پێویستە پیلانی دوژمنان بۆ تێکدانی ئاسایشی عێراق پووچەڵ بکرێتەوە

مەرجەعی باڵای شیعەكان داوا لە هێزە ئەمنییەكانی عێراق دەكات هەوڵی زیاتر بدەن بۆ پاراستنی ژیانی هاووڵاتیان و بەرقەراركردنی ئاسایش و سەقامگیری لە وڵاتدا.

بە پێی ڕاپۆرتی ئاژانسی هەواڵی مێهر، لە كاردانەوەی دوو تەقینەوە خۆكوژییەكەی بەغدا نووسینگەی ئایەتوڵلا عەلی سیستانی لە راگەیەندراوێكدا جەختی کرد: داوا لە هێزە ئەمنییەكان دەكەین تواناكانیان چڕبكەنەوە و هەوڵی زیاتر بدەن بۆ پاراستنی ژیانی هاووڵاتیان و بەرقەراركردنی ئاسایش و سەقامگیری لە وڵاتدا.

سیستانی باسی لەوەشكردووە کە پێویستە سەرجەم ئەو پیلانانە پووچەڵ بكرێنەوە كە دوژمنان دایانڕشتووە بۆ بە ئامانجگرتنی گەلی عێراقی چەوساوەو ستەمدیدە.

ئەوەش دوای ئەوەدێت، دوێنێ دوو تەقینەوەی خۆكوژی لەبەغدا روویانداو بەهۆیەوە ٣٢ کەس کوژران و ١١٠ کەسی دیکەش بریندار بوون، بەهۆی تەقینەوەكەش كازمی بڕیاریدا ئەو بەرپرسە ئەمنییانە لەكارەكانیان دووربخاتەوە كە ئەركی پاراستنی ناوچەی تەقینەوەكانیان پێ سپێردرابوو .

News Code 35681

نیشانەکان

بۆچوونی ئێوە

You are replying to: .
  • 3 + 15 =