بودجەی ئاوەدان کردنەوەی کوردستان بۆ ساڵی داهاتوو سەدا 42 زیادی کردووە

سەرۆکی ڕێکخراوەی بەڕێوەبەرایەتی پلانڕێژیی کوردستان بە شیکردنەوەی پشکی کوردستان لە بودجەی ساڵی داهاتووی ئێران, لە گەشەی بەرچاوی ئەم بەشە بودجە هەواڵی دا.

بە پێی ڕاپۆرتی ئاژانسی هەواڵی مێهر, دوکتۆر بەهرام نەسروڵاهی زادە , سەرۆکی ڕێکخراوەی پلانڕێژیی کوردستان لە کۆنفڕانسێکی ڕۆژنامەوانی لە سنە, پشکی بودجەی پارێزگای کوردستان لە هەموو بەشەکانی گەڵاڵەی بودجەی ساڵی داهاتووی ئێرانی شیکردەوە.

دوکتۆر نەسروڵاهی زادە ڕایگەیاند: لە چاو دیکەی پارێزگاکانی هەموو وڵات , پارێزگای کوردستان ئەمساڵ بودجەی زیاتری پێدراوە بۆ گەشە کردن و سێهەم پارێزگای ئیرانە کە لە ئاستێکی باڵادا گرینگی پێیدراوە بۆ گەشەی هەمە لایەنە.

نەسروڵاهی زادە زیادی کرد: لە گوژمە و پشکی بودجەی ئاوەدان کردنەوەی وڵات بۆ هەموو پارێزگاکان, کوردستان لە پلەی یازدەهەم وەستاوە و 3.58 لەسەدی بودجەی ئاوەدان کردنەوەی وڵات تەرخان کراوە بۆ ئاوەدانیی کوردستان.

ڕاشیگەیاند: بودجەی کوردستان بۆ ساڵی 1400 لە چاو ئەمساڵ واتا 1399 ی هەتاوی 42 لە سەد زیادی کردووە و دەوڵەت بودجەی زیاتر ی بۆ گەشەی کوردستان لە بەرچاو گرتووە.

ئەوەشی وت کە بودجەی ئاوەدان کردنەوەی وڵات لە گەڵاڵەی بودجە گەشەی 18 لەسەدی بووە و بودجەی ئاوەدانیی پارێزگای کوردستانیش گەشەی 76 لەسەدەی بووە و گەیشتووەتە یەک هەزار و 628 ملیارد تمەن.

دوکتۆر نەسروڵاهی زادە لە بەشێکی دیکەی وتەکانیدا ڕایگەیاند کە بە گشتی پشکی بودجەی پارێزگای کوردستان بۆ ساڵی داهاتوو لە بودجەی وڵات 2 هەزار و 571 ملیارد تمەنە کە دەگاتە 42.2 لەسەد زیاتر لە ئەمساڵ.

News Code 35206

نیشانەکان

بۆچوونی ئێوە

You are replying to: .
  • captcha