دۆخی ئابووری ئێران بەرەو باشتر بوون دەڕوات/ دانوستان لە ئارادا نییە

سەرۆک کۆماری ئێران وتی: دۆخی ئابووری و کۆمەڵایەتی ئیران خەریکە بەرەو باشتر بوون دەڕوات واتا نیشانەگەلێک لە دابەزینی نرخی کاڵاکان دەرکەوتووە.

بە ڕاپۆرتی ئاژانسی هەواڵی مێهر، حەسەن ڕۆحانی سەرۆک کۆماری سەرلەبەیانی ئەمڕۆ چوارشەممە لە کۆبوونەوەی کابینەی دەوڵەت وتی: دۆخی ئابووری و کۆمەلایەتی بەرەو باشتربوونی دەڕوات واتا نیشانەگەلێک لە دابەزینی نرخی کاڵا، دراو و پرسەکانی دیکە دەبینین و هەولی دەوڵەت لەسەر ئەوەیە کە ئەو دابەزینی نرخانە درێژەی ببێت.

ناوبراو زیادی کرد: ئێمە هەست دەکەین دۆخمان لە ڕۆژانی داهاتوو باشتر دەبێت و لە ئەو دۆخە باشتر دەتوانین چالاکی بکەین. هەندێک کەس پێیان وایە کاتێک دەڵێین دۆخەکە باشتر دەبێت، خەریکی دانوستان لەگەڵ ئەمریکاین. ئەمە درۆیە و قەد باسی دانوستان لەگەڵ ئەمریکا نییە باسێکی دیکە لە ئارادایە. دەوڵەتی نوێی ئەمریکا دۆخەکە بەرەو لای یاسا و ڕێسا دەباتەوە، ئاڵبەت تا ئاستێک کە پێشتر لەبەرچاو دەگیرا.

News Code 34849

نیشانەکان

بۆچوونی ئێوە

You are replying to: .
  • 2 + 6 =