ئیمام خومەینی شوناس‌ساز و خەمڵێنەری جیهانی بەری لە داگیرکاری

کەسایەتیگەلی ئایینی، ئاکادیمی و سیاسی وێرای داکۆکی لە ڕۆڵی شۆڕشگەرانە و پێگەی بەرزی ئیمام خومەینی (ڕە)، جەختیان لە شوناس بەخشینی بەڕیزیان بە جیهانی ئیسلام و ئیرادەی بەرزیان بۆ تێکشکاندنی داگیرکەران و ئیمپریالیزمی جیهانی کرد.

ئاژانسی هەواڵی مێهر- بەشی نێودەوڵەتی: شەش کەسایەتی ئایینی، ئاکادیمی و سیاسی بە بۆنەی ساڵڕۆژی کۆچی دوایی ئیمام خومەینی (رە) بنیاتنەری کۆماری ئیسلامی ئێران، لە وتووێژگەلی تایبەتی لە گەڵ هەوڵنێری مێهر سەبارەت بە کەسایەتی بەڕیزیان دواون کە لە خوارەوە پۆختەیەک لە ڕاڤە و بۆچوونیان دەخوێنینەوە:

ئیمام خومەینی شوناسی سیاسی و پراتیگیی بە بزووتنەوەی ئیسلامی بەخشی

ئەندامی بزووتنەوەی ئەمەل و بەڕێوەبەری کەناڵی ڕادیۆیی "الرساله"ی لوبنان، وتی: ئەوی لە سای ئیمام خومەینی (ڕە)یەوە ڕووی دا، خاڵێکی گۆڕانی گرینگ لە مێژووی جیهان بە گشتی و لای موسڵمانان بە شێوەی تایبەت بوو. ئەوی ڕووی دا پلانی چاکسازی و ڕابوونی ئیسلامی بۆ یەکەم جار لە مێژووی هاوچەرخ بوو کە لە قەوارەی سەرهەڵدانی دەوڵەتی ئیسلامی لە ئێراندا خۆی نیشان دا.

تەلال حاتووم بە ئاماژە بە پەیوەندیی بزووتنەوەی ئەمەل لە گەڵ ئێران و ئیمام خومەینی (ڕە) بەر لە شۆڕشی ئیسلامی لە رێگەی پەیوەندی لە گەڵ ئیمام مووسا سەدر و ڕۆڵی شەهید مستەفا چەمران وەک یەکەمی بەرپرسی ئێرانی ئەو بزووتنەوەیە، وتیشی: پاش مسۆگەر بوونی ئامانجی سەرەکیی ئیمام واتە ڕووخاندنی شا و تێکشکاندنی هەیمەنەی تاغووت و ئەمریکا، پرسی ئازادی قودس و فەلەستین بووە یەکەمایەتی بەڕێزیان، لەو ڕووەوە دەتوانین بڵێین ئیمام خومەینی شوناسی سیاسی و پراتیگیی بە بزووتنەوەی ئیسلامی بەخشی.

ئیمام خومەینی خەملێنەری ورەی بەرەنگاربوونەوەی داگیرکەران بوو

زانای بەرزی ئایینی هیندی و دامەزرێنەری حەوزەی زانستی ئایینی قوڕەتولعەین لە ناوچەی جون پوور لە ویلایەتی ئاتار پەرادێشی هیندستان، دەڵێ: ئیمام خومەینی (ڕە) بە گەلانی چەوساوە و ستەم لێکراوی جیهان، ورە و ئیرادەی بەرەنگاربوونەوەی دەسەڵاتە ستەمکارەکانی بەخشی.

مەولانا ئێحتشام عەباس زەیدی بە ئاماژە بەوەی کە شۆڕشی ئیسلامی ئێران وتیشی: ئیمام خومەینی (ڕە) بە ناونانی دوا هەینی مانگی ڕەمەزان وەک رۆژی جیهانی قودسن بۆ ڕیشەکێش کردنی شێرپەنجەیەک بە ناوی ئیسرائیل لە دڵی وڵاتانی ئیسلامی، هیوای بووژانەوەی یەکەمین ڕۆگەی خستەوە لە دڵی موسڵمانان.

ئیمام خومەینی فەرهەنگی سەربەرزی و بەرخۆدانی لە جیهانی ئیسلامدا دەروونی کردەوە

سەرۆکی مەکتەب سیاسی بزووتنەوەی "کردەی ئیسلامی"ی بەحرەین لای وایە: ئیمام خومەینی (ڕە) بەو ئەندێشەی ئاراستەی جیهانی ئیسلامی کرد، فەرهەنگی سەربەرزی، کەرامەت و بەرگری لە پیرۆزییەکانی لە جیهانی ئیسلامدا دەروونی کردەوە؛ ئەو فەرهەنگە ڕاست لە بەرامبەر فەرهەنگی وەستا کە وڵاتانی رۆژئاوایی و لە پێش هەموویانەوە ئەمریکا هەوڵ پەرە پێدانیان دەدا.

شێخ ڕاشد ئەلڕاشد بە ئاماژە بەوەی کە ئەوڕۆ رۆژئاوا تێگەیشتووە کە وڵاتانی ئیسلامی سەرەڕای تەنگەژەکان چیتر دواکەوتوو و لاواز نین و دەتوانین سەرکەوتنی باش مسۆگەر بکەن، بیری هێنایەوە: گرووپگەلی بەرخۆدان کە لەوڕۆدا یەکێک لە گرینگترین هۆکارەکانی بەرگری لە پیرۆزییەکان لە سەرتاسەری جیهانی ئیسلامییە، وەک دەسکەوتێکی مێژوویی لە سای ئەندێشەکانی ئیمام (ڕە) سەری هەڵداوە.

بیرۆکەی ئیمام خومەینی هاوکێشەی دەسەڵاتی جیهانی گۆڕی

سەرۆکی ناوەندی توێژینەوەی "امان"ی لوبنان بە ئاماژە بە وەلاوەنرانی شای پاڵپشتکراوی ئەمریکا و رۆژئاوا لە لایەن ئیمام خومەینی (ڕە)یەوە، جەختی کرد: بیرۆکە و ئەندێشەی بەڕیزیان هاوکێشەی دەسەڵاتی لە ئاستی جیهانی گۆڕی: لە ڕاستیدا ئیمام خومەینی (ڕە) ڕەوتی ئازادکردنەوەی ناوچەی لە هەیمەنەی سیاسەتگەلی رۆژئاوایی سەقامگیر کرد و سەلامدنی کە ئەگەری بەرەنگاربوونەوە و تێهەڵچوون لە گەڵ سیاسەتگەلی رۆژئاوایی مومکینە.

دوکتۆر "ئەنیس نەقاش" ئاماژەی بەوەش دا: بیرۆکەی و ئەندێشەی ئیمام خومەینی (ڕە) هاوکێشەی دەسەڵاتی جیهانی گۆڕی و خویابوونی ئەو بیرۆکەیە لە جیهانی واقعدا، ڕێخۆشکەر بوو بۆ سەلماندنی مومکینی سەرهەڵدانی شۆڕشێک و وەئەستۆ گرتنی بەرپرسایەتی رێبەری بەرخۆدانێکی بان سنووری لە لایەن بەڕیزیانەوە. هەر بۆیە ئێمە بە هوشیاری و رێبەریی ئیمام خومەینی (ڕە) شایەدی سەرهەڵدانی گرووپگەلی بەرخۆدان لە جێ جێی جیهان و لەوان لە فەلەستین بووین.

دروشمی "نەرۆژهەڵات، نە رۆژئاوای"ی ئیمام خومەینی بانگەشەی سەربەخۆیی و ئازادی بوو

بەڕێوەبەری کەناڵی تەلەڤیزیۆنی قودسی تورکیا بە ئاماژە بەوەی رێبەر و بنیاتنەری شۆڕشی ئیسلامی ئێران بە بڕوا، کەسایەتی، بەرەنگای، ئیرادە، بوێری، نیازپاکی، ئیمان و هوشیاری خۆی نمونەیەکی زیندوو لە ڕاڤەی قورئانی کەریم بوو، وتی: ئیمام خومەینی بە ورووژاندنی دروشم و پرێنسیپی "نە رۆژهەڵات، نە رۆژئاوا" داوای لە موسڵمانانی جیهان کرد کە دژی دەسەڵاتی رۆژهەڵات و رۆژئاوا، نمانەی کۆماری ئیسلامی بگرنە بەر؛ دروشمێک کە لە خۆیدا پێشخەری سەربەخۆیی و ئازادی موسڵمانان بووە.

نوورئەدین شیرین وێرای ئاماژە بەوەی کە ئیمام خومەینی (ڕە) نەخشەی سیاسی و دوو جەمسەری جیهانی دابەش کراوەی نێوان ئەمریکا و یەکێتی سوڤیەتی وەلاوە نا و ئاڵای محەمەدی شەکاندەوە، ڕاشیگەیاند: ئیمام خومەینی هاوکات دەلاقەیەک بوو بەرەڕووی داهاتووی ئۆمەی ئیسلامی؛ دەلاقەیەک کە لە ئاسۆی بەرینیدا متمانە بە ویلایەتی فەقی بەرچاوە.

ڕۆڵی ئیمام خومەینی لە داڕمانی تیۆری ئینتیما بە رۆژهەڵات و رۆژئاوا

مامۆستای زانکۆی شیکاگۆی ئەمریکا وێرای بیرهێنانەوەی ڕۆڵی گرینگی ئیمام لە داڕماندنی تیۆری ئینتیما بە دەسەڵاتی رۆژئاوایی و رۆژهەڵاتی، وتی: ئیمام خومەینی (ڕە) بەردەوام پێداگر بوو لە کۆتایی هێنان بە ئینتیمای ئێران بە رۆژئاوا و رۆژهەڵات.

پروفسور ماروین زۆنیس وێرای داکۆکی لە درێژەدران و ڕاپەڕاندنی ئەو بیرۆکەی ئیمام خومەینی (ڕە) لە لایەن نووسەرانی ئێرانی، جەختی کرد: لەوڕۆدا ڕوانگە و ئایدیای دژە ئیسرائیلیی ئایەتوڵڵا خومەینی بۆتە کۆڵکەی سەرەکیی سیاسەتی دەرەکی ئێران.

News Code 32664

نیشانەکان

بۆچوونی ئێوە

You are replying to: .
  • 3 + 0 =