کچە ۱۲ ساڵەکەی ئیلام بۆچی خۆی کوشت؟

بەڕێوەبەری گشتی بێهزیستی پارێزگای ئیلام وێڕای دەربڕینی داخ و پەژارەی خۆی بۆ خۆکوژی کچێکی تەمەن ۱۲ ساڵانی ئیلامی، هەندی زانیاری لەم بارەوە خستە بەردەست.

بە پێی هەواڵی مێهر، زارا هێمەتی بە ئاماژە بەوەی کە بنەماڵەی ئەو کچە پێنج کەسن و بە هۆی کەم ئەندام بوونی سەرپەرشتی بنەماڵەکەوە لە لایەن بێهزیستی پارێزگاوە پشتیوانی دەکرێن، وتی: ئەم بنەماڵەیە بژیوی پێویستیان بۆ ژیان هەیە و کێشەی ئابوورییان نییە.
ناوبراو وتیشی: لە چاوپێکەوتنێک لە گەڵ بنەماڵەی ئەو کچە، ئەوان وتیان کە کچەکەیان کێشەی بووە و تووشی خەمۆکی بووە بەڵام بەداخەوە بنەماڵەکەی بە هۆی کێشەی فەرهەنگییەوە لە دۆخی دەروونی کچەکەیان بێئاگا بوون و ئەمەش هۆکاری خۆکووژی ئەو کچە بووە.

شیاوی ئاماژەیە چەند ڕۆژ پێش ئێستا کچێکی 12 ساڵانی ئیلامی خۆی کوشت کە دواتر هەندێ میدیا چەواشەکارانە ڕایانگەیاند کە لە بەر هەژاری و نەبوونی خۆی کوشتووە. 

ئەمە لە حاڵێکدایە کە بنەماڵەکەی ئەو دەنگۆیەیان ڕەتکردەوە و پاسان کارناسانی دەروون ناسی ئیدارەی بێهزیستی(باشتر کردنی دۆخی ژیان)  لە ئێران ڕایانگەیاند کە ئەو کچە خەمۆکی بووە.

News Code 31996

نیشانەکان

بۆچوونی ئێوە

You are replying to: .
  • 1 + 5 =