ژمارەی تووشبووانی کۆرۆنا لە کوردستان بەرز بووەوە

بە ڕاپۆرتی ئاژانسی هەواڵی مێهر، فەرزین ڕەزاعی نیوەڕۆی ئەمڕۆ شەممە دوایین ئاماری تووش بووان بە کۆرۆنا لە پارێزگای کوردستانی ٦٣٠ کەس ڕاگەیاند.

ناوبراو ڕاشیگەیاند: زیاترین بەرز بوونەوەی رێژەی تووش بووان هی شارەکانی سەقز و سنەیە بە ١٧٨ و ١٥٣ تووش بووەوە.

ڕەزاعی ژمارەی تووش بووان بە شارکانی تری پارێزگای بەم شێوەیە ڕاگەیاند: بانە ١٠٠ کەس، قوروە ٤٧، دێولان ٣٧، بیجاڕ ٣٣ ، دیواندەرە ٣٠، مەریوان ٢٦، کامیاران ١٦ و سەوڵاوا ١٠ کەس.

سەرۆکی زانکۆی زانستە پزیشکییەکانی کوردستان وتیشی: تا نیوەڕۆی ئەمڕۆ شەممە ٧٥ کەس بە هۆی ئەو نەخۆشییەوە گیانیان لە دەست داوە.

ڕەزاعی زیادی کرد: لە سەقز ٢٥ کەس، سنە ٨، قوروە ١٢، بانە ١٢، مەریوان و بیجاڕ هەر کامەیان پێنج کەس، کامیاران و دیواندەرە هەر کامەیان چوار کەس، بە هۆی تووش بوون بە کۆرۆنا گیانیان لە دەست داوە.

ناوبراو ژمارەی ئەو کەسانەی کە لە نەخۆشییەکە ڕزگاریان بووە ١٨٨ کەس ڕاگەیاند.