بە ڕاپۆرتی ئاژانسی هەواڵی مێهر، عەلی واعێز بەڕێوەبەری پڕۆژەی ئێران لە گرووپی قەیران لە پەیامێکی تویتەریدا نووسی: ڕەنگە کاردانەوەی ئێران بەو هێرشەی ئەمریکا بەرتەسک بووبێت، بەڵام هێرش بۆ سەر بنکەگەلی ئەمریکا لە عێراق بە وردبینییەوە داڕێژرابوو. پێدەچی ئەمە کۆتایی چیرۆکەکە نەبێت و لەم قۆناغەدا و بە ئاوردانەوە لە کاردانەوەی ئەمریکا، ڕەنگە "تۆڵەی ناڕاستەوخۆ" ناوی ئەو یارییە بێت کە دەستیان پێ کردووە.
شایانی باسە، سوپای پاسدارانی شۆڕشی ئیسلامی سەر لە بەیانی ئەوڕۆ (چوارشەممە) لە ئۆپەراسیۆنێک لە ژێر ناوی "سەردار سولەیمانی" بە ناوی نهێنی "یا زەهرا (س‌خ)" بنکە ئەمریکییەکانی "عەین ئەسەد" و "هەولێر"ی عێراقی لە هەنگاوی یەکەمی تۆڵەی قورسی لە دژی شەهید کرانی سەردار سولەیمانی و هاوسەنگەرانی، کردە ئامانجی دەیان مووشەکی بالیستیکی.
بۆچوونی ئێوە