١٠ کەس شەهید بوونە/ ئامادەکاری بۆ گواستنەوەی تەرمی شەهید سولەیمانی

باڵوێزی ئێران لە عێراق وتی: ١٠ کەس لە گەڵ سەردار قاسم سولەیمانی و ئەبوو مەهدی موهوندیس بوونە کە تێکرایان شەهید کراون.

بە ڕاپۆرتی ئاژانسی هەواڵی مێهر، ئیرەج موسجدی باڵوێزی کۆماری ئیسلامی ئێران لە عێراق لە لێدوانێک بۆ کەناڵی هەواڵ سەبارەت بە وردەکاریی شەهید کرانی سەردار حاج قاسم سولەیمانی، وتی: نزیکەی کاتژمێری ١ی بەیانی ئەوڕۆ (هەینی) دوو ئۆتۆمبیل کە شەهید سولەیمانی و ئەبوو مەهدی موهوندیس لە فرۆکەخانەی بەغداوە بەرەو ئەو شارە دەبرد، کرانە ئامانجی هێرشی مووشەکی و تێکرای کەسانی ناو ئەو دوو ئۆتۆمبیلە کە ١٠ کەس لە هاوڕێیان و پارێزەرانی شەهید موهەندیس و شەهید سولەیمانی بوون، شەهید کراون.

وتیشی: خەریکی هاوئاهەنگی بۆ گواستنەوەی تەرمی شەهیدان بە کۆماری ئیسلامی ئێرانین و بە ئیزنی خودا ئەو کارە لە خێراترین کاتی مومکیندا ئەنجام دەدەین.

باڵوێزی ئێران لە عێراو سەبارەت بە کاردانەوەی عێراقییەکان بە هەواڵی شەهید بوونی سەردار سولەیمانی وتی: هەر لە کاتژمێرە سەرەتاییەکانی بەیانی هەینی و دوای بڵاوبوونەوەی هەواڵەکە، بەرپرسان و کەسایەتیگەلی عێراقی خەریکی پەیوەندی گرتن لە گەڵ ئێمەن و دەیانەویست سەردانی باڵوێزخانەی ئێران بکەن، کە من داوام لێ کردن رێگە بدەن بە کاروباری گواستنەوەی تەرمی ئەو شەهید ڕابگەین.  

News Code 30186

نیشانەکان

بۆچوونی ئێوە

You are replying to: .
  • 5 + 0 =