گەلی ئێران تۆڵەی ئەم جەنایەتە لە ئەمریکا دەکاتەوە

سەرۆک کۆماری ئێران بە سەرەخۆشی شەهادەتی سەردار قاسم سلێمانی بە دەستی ئەمریکای جەنایەتکار، جەختی کرد: بێ گومان گەلی ئێران تۆڵەی ئەم جەنایەتە دزێوە لە ئەمریکا دەکەنەوە.

 بە ڕاپۆرتی ئاژانسی هەواڵی مێهر،   حەسەن ڕۆحانی ،  سەرۆک کۆماری ئێران بە سەرەخۆشی شەهادەتی سەردار قاسم سڵێمانی و ژمارەیەک لە هاوڕێیەکانیان بە تایبەتی موجاهدی گەورە ئەبوو مەهدی موهەندێس ، بە دەستی ئەمریکای جەنایەتکار، جەختی کرد:  بێ گومان گەلی ئێران و دیکەی گەلانی سەربەرزی ناوچە، تۆڵەی ئەم جەنایەتە لە ئەمریکای جەنایەتکار دەکەنەوە.

لە پەیامەکەی سەرۆک کۆماری ئێراندا هاتووە:شەهادەتی سەرداری گەورەی ئیسلام و ئێران، فەرماندەی دلێری سوپای قودس،  دڵی گەلی ئێران و گەلانی ناوچەکەی داخدار کرد و ورەی گەلی گەورەی ئێران و دیکەی گەلانی ئازادە بۆ خۆڕاگری و بەرەنگاریی لە بەرانبەر زیادە خوازییەکانی ئەمریکا و بەرگری لە بایەخە ئیسلامییەکان، دوو ئەوەندە کردووەتەوە.

 ڕۆحانی هەروەها ڕایگەیاندووە کە بێ گومان ئەم هێرشە دزێو و ترسەنۆکانە، نیشانەیەکی تر لە شکست و بێ دەسەڵاتی ئەمریکا لە ناوچەکە و هەستی نەفرەت لە لایەن گەلانی ناوچە نیسبەت بە ئەم ڕژیمە دەستدرێژیکارە زیاتر دەکات و ئەمەش پەڵەیەکی ڕەشی دیکەیە لە سەر لاپەڕەی پڕ لە نەگبەتی ئەمریکا.

ڕۆحانی بە ئیدانە کردنی ئەم هێرشە دزێوەی ئەمریکا و ڕێز و پێزانین بۆ خزمەتە پڕ لە شانازییەکانی سەردار سلێمانی بۆ پاراستنی یەکپارچەیی وڵات و بەرەنگاریی لە گەل تیرۆریزمی توندڕەوانە، ڕایگەیاند:

سەرەخۆشی شەهادەتی سەردار سلێمانی لە ڕێبەری ئێران، گەلی وڵات و سوپای پاسداران و بنەماڵەی بەڕێزی سەردار دەکەم و لە خوای گەورە داوای پلەی بەرز و بەهەشتی بەرین بۆ سەردار سلیمانی و هاوڕێیەکانی دەکەم.

News Code 30181

نیشانەکان

بۆچوونی ئێوە

You are replying to: .
  • 5 + 10 =