دیداری شووشتەری لە گەڵ قەشەکانی سلێمانی و کەرکووک

سه‌ركونسوڵی كۆماری ئیسلامی ئێران له‌گه‌ڵ ئوسقوفه‌كانی سلێمانی و كه‌ركووك به‌ بۆنه‌ی چه‌ژنی له‌دایكبوونی حه‌زره‌تی مه‌سیح (ع) و ساڵی نوێی زایینی، دیداری کرد.

بە ڕاپۆرتی ئاژانسی هەواڵی مێهر،  ڕۆژی ڕابردوو، مه‌هدی شووشته‌ری سه‌ركونسوڵی كۆماری ئیسلامی ئێران له‌ سلێمانی به‌ ئاماده‌بوون له‌ كلیسای مایوسفی سلێمانی و دیدار له‌گه‌ڵ ستێفان ربان ئوسقوفی كەرکووک و ئه‌یمه‌ن عزیز ئوسقوفی سلێمانی، پێرۆزبایی له‌دایكبوونی حه‌زره‌تی مه‌سیح (ع) و ساڵی نوێی زایینی له‌ ته‌واوی مه‌سیحیه‌كانی عێراق و هه‌رێمی كوردستان كرد.

 له‌م دیداره‌دا سه‌ركونسوڵی كۆماری ئیسلامی ئێران باسی له‌ بارودۆخی كه‌مایه‌تیه‌ دینیه‌كان له‌ نێویاندا مه‌سیحیه‌كانی له‌ كۆماری ئیسلامی ئێران كرد و چه‌ند ڕوونكردنه‌وه‌یه‌كی سەبارەت بە مافه‌ دینی و سیاسی و كۆمه‌ڵایه‌تی و ڕۆشنبیریه‌كان له‌ ده‌ستوری وڵات و به‌شداری چالاكانه‌ی ئه‌وانه‌ له‌ بواره‌ جیاوازه‌ نه‌ته‌وه‌ییه‌كانی وه‌ك به‌رەڤانی پیرۆز و بواری ڕۆشنبیری، هونه‌ری، وه‌رزشی و...هتد بۆ ئاماده‌بووان دا.

له‌ به‌رامبه‌ردا ئوسقوفه‌كانی سلێمانی و كه‌ركوك باسیان له‌ بارودۆخی مه‌سیحیه‌كان له‌ عراق كرد و دڵخۆشی خۆیان به‌ ژیانی ئاشتیانه‌ی مه‌سیحیه‌كانی ئێران له‌پاڵ دیکەی په‌یره‌وانی یه‌كتاپه‌ره‌ستی ده‌ربڕی و هیوایان خواست ساڵی ۲۰۲۰ ی زایینی خه‌ڵكی ناوچه‌ی ڕۆژهه‌ڵاتی ناوه‌ڕاست ساڵێكی پڕ له‌ ئاشتی و ئارامی به‌رنه‌سه‌ر.

News Code 30109

نیشانەکان

بۆچوونی ئێوە

You are replying to: .
  • captcha