بوونی ئایەتوڵڵا سیستانی نیگەرانیەکان لەبارەی دۆخی عێراق دەڕەوێنێتەوە

سەرۆکی مەجلیسی ئێران وتی: بوونی ئایەتوڵڵا سیستانی لە عێراق و ستراتێژی گشتگیری ئەوان جێگای نیگەرانی سەبارەت بە پرسەکانی عێراق دەڕەوێنێتەوە.

بە ڕاپۆرتی هەواڵنێری مێهر، عەلی لاریجانی سەرۆکی مەجلیسی شۆرای ئیسلامی ئێران ئەمڕۆ یەکشەمە 10ی سەرماوەز لە کۆنفڕانسێکی ڕۆژنامەوانی بە بۆنەی ساڵڕۆژی دامەزراندنی مەجلیسی ئێران، باسی لە زۆر بابەتی گرینگی ناوخۆیی ئێران و پرسە ڕۆژەڤەکانی ناوچەکە کرد.

لاریجانی لە وڵامی هەواڵنێری ئەلجەزیرە سەبارەت بە ڕووداوەکانی ئەم دواییەی عێراق وتی: بوونی ئایەتوڵڵا سیستانی لەم وڵاتە و ستراتێژی گشتیگیری ئەوان جێگای نیگەرانی ناهێڵێتەوە بە تایبەت کە ئەوان بە سەر هەموو بوارەکاندا زانیاریان هەیە و زاڵن بە سەر هەموو بابەتەکاندا.

 زیادیشی کرد: کاتێک داعش لە عێراقدا برەوی بوو جێگای نیگەرانی بوو بەڵام ئێستا بەرپرسانی ناوخۆیی عێراق و بەتایبەتی مەرجەعیەتی ئەم وڵاتە پرسە چارەسەر دەکەن و ئەگەر یارمەتیان بوێت، ئێمەش یارمەتیان دەدەین.

لاریجانی وتی: وەک ڕابردوو هاوپەیمانی عێراق دەبین و ئەم وڵاتە کەسایەتی سیاسی بە توانای هەیە کە دەتوانن پرسەکانی خۆیان چارەسەر بکەن.

News Code 29608

نیشانەکان

بۆچوونی ئێوە

You are replying to: .
  • 4 + 8 =