فیلمسازە کوردەکان بە ۷ بەرهەم دەچنە فێستیڤاڵی نێودەوڵەتی تاران

فیلمسازە کوردەکان بە پێنج فیلمی چیرۆکی، یەک فیلمی بەڵگەیی و یەک ئەنیمەیشێن لە سی و شەشمین فێستیڤاڵی نێودەوڵەتی کورتە فیلمی تاران بەشداری دەکەن.

بە راپۆرتی ئاژانسی هەواڵی مێهر، فیلمەکانی کەرگەدەن لە دەرهێنانی ئارمین پوورموحەمەد، دەستوور لە دەرهێنانی فەرشید عەبدی، ژوان بە دەرهێنانی کاوە جاهد، دیگەری لە دەرهێنانی سامان حسێن پوور و ئاکۆ زەندکەریمی، لەکە لە دەرهێنانی شۆڕش وەکێڵی لە بەشی فیلمی بەڵگەیی و فیلمی ئەو خەونی من نەبوو لە درهێنانی وریا نیک مەنش و مریەم هاشم نەژاد لە بەشی ئەنیمەیشێن گەیشتنە سی و شەشەمین فێشتیڤاڵی نێودەوڵەتی کورتە فیلمی تاران.

پێنج فیلمی چیرۆکی کەرگەدەن، دەستوور، ژوان، لەکە و دیگەری بە بەشداری و پاڵپستی ئەنجومەنی سینەمای گەنجانی کوردستان بەرهەم هێنراون.

سی و شەشەمین فێستیڤاڵی نێودەوڵەتی کورتە فیلمی تاران لە ١٨ بۆ ٢٤ ی خەزەڵوەر لە پەردیسی سینەمایی ملەت بەڕێوە دەچێت.

News Code 29198

نیشانەکان

بۆچوونی ئێوە

You are replying to: .
  • 2 + 0 =