کاردانەوەی بەغدا بە هێرشی خۆپیشاندەران بۆ سەر کۆنسوڵخانەی ئێران

وەزارەتی دەرەوەی عێراق بە دەرکردنی بەیاننامەیەک بە توندی هێرش بۆ سەر کۆنسوڵخانەی ئێران لە کەربەلای ئیدانە کرد و ئاسایشی ناوەندگەلی دیپلۆماتیکی و کۆنسوڵخانەکانی بە هێڵی سوور وەسف کرد.

بە ڕاپۆرتی ئاژانسی هەواڵی مێهر بە گێرانەوە لە "السومریه"، وەزارەتی دەرەوەی عێراق بە دەرکردنی بەیاننامەیەک وێرای ئیدانەی هێرشی هەندێک لە خۆپیشاندەران بۆ سەر کۆنسوڵخانەی ئێران لە کەربەلا، ڕایگەیاند: ئاسایشی کۆنسوڵخانە و ناوەندگەلی دیپلۆماتیکی هێڵی سووری ئێمەن و ریگە بەو کارە نادرێت. هەر چەند ئەو جۆرە هەڵمەتانە هیچ کاریگەرییەکیان لە سەر پەیوەندیی دۆستانە و نیازپاکانەی نێوان ئێران و عێراق نابێت.

لە بەیاننامەکە بە داکۆکی لە دانانی ڕیوشوێنی توندی ئەمنی بۆ پاراستنی وەفدە دیپلۆماتیکەکان، هاتووە: وەزارەتی دەرەوە پێداگرە لە ڕێزنان لە ناوەندگەلی دیپلۆماتیکی بە پێی ڕێککەوتنی ڤیەن سەبارەت بە پەیوەندیی نێودەوڵەتی و زەروورەتی پاراستن و بە دوور ڕاگرتنیان لە مەترسیی ئەمنی.

شایانی باسە، شەوی ڕابردوو تاقمێکی بێ ناونیشان هێرشیان کردۆتە سەر کۆنسوڵخانەی کۆماری ئیسلامی ئێران لە کەربەلا و ئەو تاقمە لە لایەن هێزی دژەشۆڕشی پۆلیسی عێراق گەمارۆدراون و بڵاوەیان پێ کراوە.

News Code 29184

نیشانەکان

بۆچوونی ئێوە

You are replying to: .
  • 3 + 5 =