مەرجەعی باڵای ئایینی عێراق نیشانی دا رێگەی رێنمونییە لە رۆژانی سەختیدا

سەرۆک وەزیرانی عێراق کاردانەوەی بە هەڵوێستەکانی مەرجەعی باڵای عێراق سەبارەت بە خۆپیشاندانەکان نیشان دا.

بە ڕاپۆرتی ئاژانسی هەواڵی مێهر، عادل عەبدولمەهدی، سەرۆک وەزیرانی عێراق لەبارەی گوتاری مەرجەعییەتی ئایینی شیعەکان لە بەیاننامەیەکدا رایگەیاند: "جارێکی دیکە مەرجەعی باڵای ئایینی دەریخست کە گەرەنتی ئاسایش و رێگەی رۆشنکەرە و داڕێژەرەی رێگەی رێنمونییە لە رۆژانی سەختی و ناخۆشییەکاندا. "

وتیشی: "گەلی عێراق و هەموو جیهان گوێی لە دەقی گوتاری نووسراوی نوێژی هەینی بوو کە هەڵوێستی خۆی لەبارەی ئەو رووداوانە دەربڕی کە بە داخەوە وڵات پێیدا تێدەپەڕێت، مەرجەعییەت پەلاماردانی گیان و موڵک و ماڵی گشتی و تایبەتی و بۆ سەر خۆپیشاندەران و هێزە ئەمنییەکان و تووندوتیژی و کردەوەی تێکدەرانەی رەتکردەوە و ئیدانەی کرد".

عادل عەبدولمەهدی ئاماژەی بەوەکردووە کە" حکومەت بە هەموو دامەزراوەکانییەوە پابەندە لە بەردەم خوای گەورە و مەرجەعییەتی باڵا و گەلی عێراق کە پابەندە بە راپەڕاندن و ئەنجامدانی ئەرکەکانی و پێشکەشکردنی بەرنامەیەکی پراکتیکی و تەواوی هەوڵەکانی خۆشی دەخاتەگەڕ بۆ سوککردنی کۆژانەکانی هاووڵاتیان و باشترکردنی خزمەتگوزارییەکان و رەخساندنی هەلیکی کار بۆ بێکاران و دوورخستنەوەی خزم خزمێنە لە دامەزراندن و تەواوکردنی دۆسیەی ئەوانەی تۆمەتبارن بەوەی یارییان بە موڵکی گشتی کردووە و دەستیان بەسەرداگرتووە بۆ ئەوەی بدرێنە دادگا.

سەرۆک وەزیرانی عێراق داوای لە هەردوو دەسەڵاتی یاسادان و دادوەری کرد کاری هاوبەش و هاوکار و هاوئاهەنگ بن لە هەموو پسپۆری و دەسەڵاتەکانی بۆ جێبەجێکردنی بەرنامەی و پلانی پێویست لە چوارچێوەی خشتەیەکی کاتی روون، بەمەبەستی ئەنجامدانی چاکسازیی پێویست.

عادل عەبدولمەهدی داوا لە هێزە سیاسییە گەورەکانی عێراق دەکات لەنێوان خۆیاندا هاوکاری بن و هاوکاری حکومەت بکەن بۆ فەراهەمکردنی سەرجەم مەرجەکانی چاکسازیی و پێوستییەکان وەک ئەوەی مەرجەعی باڵای پێشکەشی دەکات و پێویستە هەموون پابەندبوون پێوەی و رایبگەیێنن.

News Code 28678

نیشانەکان

بۆچوونی ئێوە

You are replying to: .
  • 9 + 0 =