دۆزینەوەی چارەسەری گونجاو بۆ پرسی کوردی سووریا

هێزەکانی سووریای دیموکرات (هەسەدە) داوا لە دیمەشق دەکات "چارەسەری گونجاو" بۆ دۆخی ئێستای باکووری سووریا و پرسی کورد لەو وڵاتە بدۆزێتەوە، لەڕێگەی گفتوگۆ لەگەڵ بەڕێوەبەرایەتی خۆسەر و هەسەدە .

بە راپۆرتی ئاژانسی هەواڵی مێهر، مەزلووم عەبدە کۆبانی، فەرماندەی گشتیی هەسەدە لە کۆنفرانسی ساڵانەی هێزەکە کە یەپەگە پێکهێنەری سەرەکییەتی رایگەیاند: داوا لە دیمەشق دەکەین"چارەسەری گونجاو" بۆ دۆخی ئێستای باکووری سووریا و پرسی کورد لەو وڵاتە بدۆزێتەوە.

مەزڵووم کۆبانی وتی: "کردنەوەی بەرەی شەڕ دژی هەسەدە لەلایەن سوپای تورکیا و داگیرکردنی عەفرین، کاریگەری نەرێنی لەسەر شەڕی داعش هەبووە".

وتیشی: " هەڕەشەکانی تورکیا بۆ سەر هەسەدە بەردەوامە، ئەو هەڕەشانە کاریگەری لەسەر شەڕی داعش دەبێت، بەڵام هاوپەیمانی نێودەوڵەتی بە سەرۆکایەتیی ئەمریکا لە هەوڵی هێورکردنەوەی دۆخەکەدایە لەگەڵ تورکیا و بەتایبەت بۆ رەوشی سنوورەکان".

زیادیشی کرد:"هەموو هەوڵێک دەدەن بۆ سەرکەوتنی گفتوگۆکان و گەیشتن بە رێککەوتن لەگەڵ تورکیا بە نێوەندگیری ئەمریکا، رێککەوتنی سەرەتایی هەیە بۆ دابینکردنی ئاسایش و ئارامی سنوورەکان لەگەڵ تورکیا".

راشیگەیاند: "هەسەدە لایەنی ئەرێنی پرسی رێکخستنەوەی سنوور دەبێت، عەفرینیش خاڵێكی گرنگە لە پرۆسەی ئاشتی و ئارامی سنوورەکان لەگەڵ تورکیا، بێ گەڕانەوەی عەفرینیش بۆ دۆخی پێشووی (پێشگرتنی لەلایەن سوپای تورکیا) ئاشتی هەمیشەیی لە سووریا بەدی نایەت."

لەمبارەوە رووداو نووسی: قسەکانی فەرماندەکەی هەسەدە لەکاتێکدایە فەرماندەی فەرماندەیی ناوەندی سوپای ئەمریکا رایگەیاندبوو کە  "دوای پەیوەندییە تەلەفۆنییەکەی نێوان وەزیری بەرگریی ئەمریکا و هاوتا تورکیەکەی، هێزەکانی سووریای دیموکرات- هەسەدە، بەشێک لە سەنگەرە سەربازییەکانی تێکداوە ،هەنگاوەکە پابەندبوونی هەسەدە بە پاڵپشتیکردن لە جێبەجێکردنی چوارچێوەی میکانیزمە ئەمنیەکە دەردەخات".

News Code 28002

نیشانەکان

بۆچوونی ئێوە

You are replying to: .
  • 9 + 4 =