دزەی ئیسرائیل بۆ ئاسمانی عێراق، ڕاگەیاندنی شەڕ لە دژی بەغدایە

پەرلەمانتارێکی عێراقی ڕایگەیاند کە هاتوچۆی ڕژیمی زایۆنی لە هەرێمی ئاسمانی عێراق بە واتای ڕاگەیاندنی شەڕ لە دژی بەغدایە.

بە ڕاپۆرتی ئاژانسی هەواڵی مێهر بە گێرانەوە لە سپۆتنیک، ئەحمەد ئەسەدی پەرلەمانتاری عێراقی ڕایگەیاند: هاتوچۆی ڕژیمی زایۆنی لە هەرێمی ئاسمانی عێراق بە واتای ڕاگەیاندنی شەڕ لە دژی بەغدایە.

ڕاشیگەیاند: بێدەنگی هەمبەر بە دەستدرێژی، هەڵوێستێکی ژیرانە نییە و بە پێی ئاوەزمەندی و واقیع بینی سیاسی دەبێ هەموو بژێرە دیپلۆماسییەکان بە کار بهێنرێت. دەبێ هەڵوێستی نێودەوڵەتی بۆ بەرگری لە سەروەریی عێراق لە بەرامبەر پێشێلکاریی ئیسرائیل و هاوپەیمانانی، ئەنجام بدرێت.

ئەسەدی لە درێژەدا وتی: دەبێ شایەدی هەڵوێست و ناڕەزایەتی عەرەبی و نێودەوڵەتی و ناوچەیی لە دژی بەزاندنی هەرێمی ئاسمانی و جیهازاتی سەربازیمان بین.

وتیشی: بژێرەی وەڵام و کاردانەوە نیشاندان بەو هێرشانە لە بەردەستە، چونکە ئەوانی شەڕخوازن دەبێ وەڵامێکی کوشەندە بەو شەڕخوازییەیان بدرێتەوە و بە گوێرەی ئەرکی شەرعی و نیشتمانی دەبێ کاردانەوە نیشان بدەین بەو شەڕەی کە لە دژی ئێمە وەڕێ خراوە.

News Code 27980

نیشانەکان

بۆچوونی ئێوە

You are replying to: .
  • 5 + 13 =