باشترە سەربازانی ئەمریکی عێراق بەجێبێڵن و بگەڕێنەوە لای بنەماڵەکانیان

پاش ئەوەی واشنتۆن نیگەرانی خۆی بۆ هێرش کرانە سەر سەربازانی دەربڕی؛ فەرماندەیەکی حەشدی شەعبی عێراق لە کاردانەوە بەو باسە، خوازیاری کشانەوەی سەربازانی ئەمریکی لە عێراق بوو.

بە ڕاپۆرتی ئاژانسی هەواڵی مێهر بە گێرانەوە لە "النهرین"، پاش ئەوەی واشنتۆن نیگەرانی خۆی بۆ هێرش کرانە سەر سەربازانی دەربڕی؛ فەرماندەیەکی حەشدی شەعبی عێراق لە کاردانەوە بەو باسە، ڕایگەیاند: بۆ پاراستنی گیانتان لە عێراق بڕۆن.

موعین کازمی لە فەرماندەکانی حەشدی شەعبی عێراق ڕاشیگەیاند: ئامادەبوونی سەربازیی ئەمریکا لە عێراق قبووڵ ناکرێت. عێراق ئێستا پاش قۆناغی بەرەڤانی پیرۆزی گەلی عێراق و حەشدی شەعبی کە ڕۆڵێکی بەرچاوی بووە لە ئازاد کردنەوەی عێراق لە بندەستی داعش، گەیشتۆتە سەقامگیری و پاوەجێی.

ناوبراو لە درێژەدا وتی: هەوڵی ئەمریکا بۆ مانەوەی لە عێراق قبووڵ ناکەین و جگە لەوەش ناساندنی عێراق وەک شوێنێک بۆ ئازار گەیاندن و چەوساندنەوەی وڵاتانی دراوسێ لە لایەن ئەمریکاوە بە پێچەوانەی دەستووری عێراق و رێنوێنییەکانی مەرجەعییەتە.

کازمی جەختی کرد: ئەو هەڵسوکەوتەی ئەمریکا کاردانەوەی پێشبینی نەکراوەی لە لایەن عێراقییەکانەوە بە دواوە دەبێت و واباشە بۆ پارێزراوبوونی هێزەکانی ئەمریکی، بگەڕێندرێنەوە بۆ باوشی بنەماڵەکانیان و لە عێراق ببرێنە دەرەوە.

وتیشی: نیگەرانی ئەمریکا لە قوربانی و خەسارەکان کە لە لایەن حەشدی شەعبی و گرووپگەلی بەرخۆدانەوە بەریان دەکەوێت، نیگەرانییەکی بەرچاوە و ئەو خەسارانە کاریگەریی لە سەر داهاتووی دۆناڵد ترامپ لە سەرودەمی هەڵبژاردنەکانی سەرۆک کۆماری ئەمریکا دەبێ.

News Code 27622

نیشانەکان

بۆچوونی ئێوە

You are replying to: .
  • 4 + 6 =