سەربازانی ئەڵمانی لە باکووری سووریا جێگای ئەمریکا دەگرنەوە

نوێنەری تایبەتی ئەمریكا بۆ کاروباری سووریا رایگەیاند کە دەیانەوێت سەربازانی ئەڵمانیا جێگای بەشێك لە سەربازانی ئەوان بگرنەوە لە باكووری سوریا.

بە ڕاپۆرتی ئاژانسی هەواڵی مێهر، جێمس جێفری، نوێنەری تایبەتی ئەمریكا بۆ سوریا لە لێدوانێکی بۆ رۆژنامەی وێڵت ئام سۆنتاژ رایگەیاند: "ئەڵمانیا لە قۆناغی سیاسیی باكووری سووریا و بەرەنگاربوونەوەی داعشدا رۆڵی چالاكی هەیە، بەڵام چاوەڕوانی پشتگیریی زیاتری ئەڵمانیاین لەوبارەوە و دەمانەوێت سەربازانی ئەڵمانیا، جێگای بەشێك لە سەربازانی ئێمە بگرنەوە".

وتیشی: "ئەو سەربازە ئەڵمانییانەی دوای كشانەوەی سەربازانی ئەمریكا لە باكوری سوریا جێگایان دەگرنەوە، پێویستە توانای شەڕكردنیان هەبێت و چەكی قورسیشیان پێ بێت، بەڵام ئەو هێزانەی كە بۆ هێرشكردن بەكاردێن لە هێزە سوورییەكان پێكدەهێنرێن".

نوێنەرەكەی ئەمریكا ئاشكرایشیكرد، "بابەتەكەمان لەگەڵ بەرپرسانی ئەڵمانیا باسكردووە ".

News Code 27300

نیشانەکان

بۆچوونی ئێوە

You are replying to: .
  • 4 + 11 =