نەتەوەکان پێکەوە جیاوازییان نییە/ ئێران ئاخێزگەی فەرهەنگی کوردەکانە

حەسەن ڕۆحانی , سەرۆک کۆماری ئێران لە پەیامێکدا بۆ کۆنگرەی ناودارانی کورد وتی: کۆنگرەی ناوداران دەرفەتێکی باشە بۆ ئەوەی ڕێزگرتن لە گەورە بلیمەتەکانی ئیتنیک و نەتەوەکانی ئێران.

بە ڕاپۆرتی هەواڵنێری مێهر , حەسەن ڕۆحانی , سەرۆک کۆماری ئێران پەیامێکی بۆ کۆنگرەی نێودەوڵەتی ناودارانی کورد نارد کە لە لایەن یاریدەرەکەیەوە خوێندرایەوە.

ئەو پەیامە لە ڕێگای عەلی یوونسی یاریدەری سەرۆک کۆماری ئێران بۆ پرسی ئیتنیک و مەزەبەکان لە زانکۆ کوردستان خوێندرایەوە.

رۆحانی لەو پەیامەدا دەڵێت:

سپاسی خودا دەکەم کە بە بۆنەی ئەم کۆنگرە فەرهەنگی و زانستیەوە توانیم سڵاو و ڕێزی خۆم بە ئێوە و هەموو کورد زمانەکانی وڵات ڕابگەیێنم.

بە شایەدی مێژوو ئێرانی ئازیز سەرەڕای جۆراوجۆری ئیتنیکی و مەزەبی و دۆخی ژێئۆپلۆتیکی تایبەت هەمیشە سەرکەوتووانە توانیویەتی لە هەوراز و نشێوەکان کەمترین خەسار ببینێت.

تێپەڕبوونێکی سەرکەوتووانە کە زیاتر لە هەر کارێکی دیکە سەرچاوە لە هەڤگری ئیتنیک و مەزەبەکانی ئێرانە و لە پاڵ بەرفراوانیەکی جوگرافیایی و مێژوویی چەندین هەزار ساڵە دڵ و گیانیان بەستراوە بە ئێرانی ئازیزەوە.

لەم نێوانەدا کوردەکان وەک دیکەی ئیتنیکەکانی ئێران و کۆنترینیان و فەرهەنگی ترینیان هەمیشە ئێران بە ئاخێزگەی فەرهەنگی خۆیان دەزانن و ڕێز لە مێژووی فەرهەنگی ئەم نیشتمانە دەگرن.

لەم وڵاتەدا هیچ جیاوازییەک لە نێوان نەتەوە و ئیتنیکەکانی ئێران بوونی نیەە و ئەم کۆنگرە دەرفەتێکە بۆ ڕێز گرتن لە هەموو ئیتنیکەکانی ئێران کە مافی شارۆمەندیان هەیە. 

سەرەڕای ڕێز و سپاس لە کورد زمانەکانی وڵات، بەڕێوەبردنی ئەم کۆنگرە  بە دەرفەت دەزانم بۆ ناساندنی خەڵکی دڵۆڤان کە دڵیان گرێ دراوە بە فەرهەنگی ئەم نیشتمانەوە، دووبارە سپاستان دەکەم.

حەسەن ڕۆحانی / سەرۆک کۆماری ئێران

News Code 27209

نیشانەکان

بۆچوونی ئێوە

You are replying to: .
  • 5 + 1 =