تیرۆریزمی ئابووری ئەمریکا کێشەی بۆ دابین کردنی دەرمانی گیانبازان دروست کردووە

بە ڕاپۆرتی ئاژانسی هەواڵی مێهر، محەمەد جەواد زەریف وەزیری دەرەوە لە پەیامێک بە بۆنەی ساڵوەگەری کیمیابارانی شاری سەردەشت کە لە لایەن سەید عەباس مووسەوی وتەبێژی وەزارەتی دەرەوە خوێندراوە، وتی: بە داخەوە گیرۆدەیی دەوڵەت ئەمریکا بە زەخت و داسەپاندنی گەمارۆ و تیرۆریزمی ئابووری بۆتە هۆی سازبوونی کێشەگەلی جۆراوجۆر لە بەردەم گیانبازانی کیمیایی وڵات بۆ دابین کردنی دەرمان و جیهازاتی پزیشکی پێویستیان.

زەریف لەو پەیامەدا بە ئاماژە بە بێدەنگیی کارەساتباری کۆمەڵگای نێودەوڵەتی و لەوان ئەنجومەنی ئاسایشی ڕێکخراوی نەتەوە یەکگرتووەکان هەمبەر بە کیمیابارانی خەڵکی بێ تاوانی سەردەشت لە لایەن ڕژیمی بەعس و وەسف کردنی ئەو هەڵوێستە بە خاڵی ڕەشی مێژووی هاوچەرخ، ڕایگەیاند: کۆماری ئیسلامی ئێران هەموو کاتێک و لە هەر جێیەکدا و بە پێی یاسا، شەرع و ئەخلاق جەختی لە قەدەغەی چەکی کۆمەڵکوژ و ئیدانەی بەکارهێنانی چەکی کیمیایی کردووە و خوازیاری لە ناوبردنی تەواوەتی هومارەکانی چەکی کیمیایی بە جێ ماوە بە دەستی ئەمریکا وەک تاقە خاوەنی ئەو چەکە و جیهانگیرکردنی کۆنوانسیۆنی چەکی کیمیایی بە واتای هەنگاوێکی بنەرەتیی سازدانی جیهانێکی بەری لە چەکی کۆمەڵکوژ بووە.

ڕاشیگەیاند: تیرۆریزمی ئابووریی دەوڵەتی ئەمریکا بە پێچەوانەی پرێنسیپی یاسای نێودەوڵەتیی مرۆڤدۆستانە و دژی ڕۆحی کۆنوانسیۆنی چەکی کیمیایی و پابەندییەکانی ئەو وڵاتە هەمبەر بەو کۆنوانسیۆنە و یاسای نێودەوڵەتییە و هیوادارین ڕێکخراوی قەدەغەی چەکی کیمیایی بتوانێ رێگە چارەیەکی بە پەلە بۆ چارەسەرکردنی ئاستەنگەکانی بەردەم دابین کردنی دەرمان و جیهازاتی پزیشکیی پێویست بۆ گیانبازانی کیمیایی ئێران ئاراستە بکات،

وەزیری دەرەوە بە ڕەخنەگرتن لە بێدەنگی و کەمتەرخەمیی کۆمەڵگای نێودەوڵەتی و دەوڵەتانی ئەندامی کۆنوانسیۆنی چەکی کیمیایی هەمبەر بەو سیاسەتە دزێوانەی ئەمریکا و بێدەنگیی سی و یەک ساڵەیان لە بابەتی ئەو هێرش دڕندانەی دیکتاتۆری بەعسیی پاڵپشتکراوی ئەمریکا و سزانەدرانی جەنایەتکاران و تۆمەتبارانی ئەو دۆسیە و ڕیخۆش کردن بۆ دووپات بوونەوەی کارەساتگەلی هاوشێوە لە ناوچەی رۆژهەڵاتی ناڤین لە لایەن گرووپگەلی توندئاژۆ، جەختی کرد:  وەزارەتی دەرەوە زۆر شلگێرانە پێوشوێنی مسۆگەرکردنی مافی قوربانیانی چەکی کیمیایی وڵاتە و بۆ ئەو مەبەستە لە هەموو کەناڵ و کۆریدۆرە یاسایی و نێودەوڵەتیان بەهرە دەبات و تا بە ئەنجام گەیاندنی ئەو بابەتە کۆڵ نادات.