گرووپێکی سەربازی ئەمریکی گەیشتە بنکەی هەولێر

ئەندامێکی لیژنەی ئاسایش و بەرگری لە پەرلەمانی عێراق ڕایگەیاند کە ژمارەیەک سەربازی ئەمریکی کە چوونەتە بنکەی هەولێر لە گەڵ دەوڵەتی هەرێمی کوردستان ڕێککەوتوون، نەک لە گەڵ دەوڵەتی فیدراڵ یان وەزارەتی بەرگری عێراق.

بە ڕاپۆرتی ئاژانسی هەواڵی مێهر بە گێڕانەوە لە "العالم"، کەریم محەمەداوی ئەندامی لیژنەی ئاسایش و بەرگری لە پەرلەمانی عێراق لە هەنگاوی یاسابەزێنانەی سەربازانی ئەمریکی لەو وڵاتە هەواڵی دا و وتی: سەربازانی نوێی ئەمریکی کە چوونەتە بنکەی هەولێر لە گەڵ دەوڵەتی هەرێمی کوردستان ڕێککەوتوون، نەک لە گەڵ دەوڵەتی فیدراڵ یان وەزارەتی بەرگری عێراق.

محەمەداوی وتیشی: دەوڵەتی هەرێمی کوردستان رێگە بە لیژنەی ئاسایش و بەرگری پەرلەمان، وەزارەتی بەرگری و فەرماندەگەلی ئەمنی نادات کە لە ژمارەی هێزە ئەمریکییەکان ئاگادار بن.

ئەو پەرلەمانتارە جەختی کرد کە هەولێر حازر نییە هیچ ڕاپۆرتێک سەبارەت بە ژمارەی هێزەکانی ئەمریکیی و ئاستی جیهازاتی سەربازیی ڕادەستی دەوڵەتی فیدراڵ بکات.

ناوبراو لە درێژەدا ڕایگەیاند: دەوڵەتی کوردستان لە بواری سەربازی لە گەڵ واشنتۆن سەربەخۆ دەجووڵێتەوە و هاتنی هێزی جەنگی ئەمریکی بە بێ ڕاگەیاندن بە دەوڵەتی فیدراڵ و مۆڵەت وەرگرتن لە بەغدا ئەنجام دراوە.

محەمەداوی بنکەی هەولێری گەورەترین بنکەی سەربازیی ئەمریکا لە عێراق زانی و وتی: واشنتۆن لە بنکەی هەولێر وەک بنکەی فەرماندەیی ئۆپەراسیۆنی ناوچە و عێراق بەهرە دەنا و بە گوێرەی بەرپرسانی کۆنگرە زیاتر لە ٥٠ هەزار هێزی ئەمریکی لە عێراقن کە زۆربەیان لە بنکەکانی عەین ئەسەد لە پاریزگای ئەنبار و بنکەی هەولێر جێگر کراون.

ئەو پەرلەمانتارە لە کۆتاییدا جەختی کرد کە ئامانج لە بەرزکردنەوەی ژمارەی هێزی ئەمریکی لە عێراق، هەڕەشە لە کۆماری ئیسلامی ئێران و خستنە ژێر جاوەدێریی بنکەکانی حەشدی شەعبی‌یە.

شایانی باسە کە پێشتر کەریم عەلیەوی ئەندامی کۆمیسیۆنی ئاسایش و بەرگری پەرلەمانی عێراق لە مانگی سەرماوەزی ساڵی رابردووی هەتاوی (١٣٩٧) ڕایگەیاندبوو کە ژمارێک لە سەربازانی ئەمریکی بە شێوەی نهێنی لە خاکی سووریاوە هەنگاویان ناوەتە عێراق و دەیانەوێ بۆ هەڕەشە خستنە سەر ئێران، بنکەیەکی سەربازیی نوێ لە خاکی هەرێمی کوردستان بکەنەوە.

News Code 26861

نیشانەکان

بۆچوونی ئێوە

You are replying to: .
  • 4 + 3 =