مامەڵەی سەدە پیلانێکە بۆ لەناوبردنی ئایدیای فەلەستین و پەرەسەندنی داگیرکاری

سەرۆک کۆمار لە پەیامێک بۆ سەرکردەی وڵاتانی ئیسلامی لە کۆبوونەوەی مەکە، وتی: مامەڵەی سەدە پیلانێکە بۆ لەناوبردنی ئایدیای فەلەستین، پەرەسەندنی داگیرکاری و دەستدرێژی بۆ سەر هەموو وڵاتانی ئیسلامی.

بە ڕاپۆرتی ئاژانسی هەواڵی مێهر بە گێڕانەوە لە ماڵپەڕی ڕاگەیاندنی سەرۆک کۆماری، حەسەن ڕۆحانی سەرۆک کۆمار لە پەیامێک بۆ سەرکردەی وڵاتانی ئیسلامی لە کۆبوونەوەی مەکە جەختی کرد: مامەڵەی سەدە پیلانێکە بۆ لەناوبردنی ئایدیای فەلەستین، پەرەسەندنی داگیرکاری و دەستدرێژی بۆ سەر هەموو وڵاتانی ئیسلامی.

ڕۆحانی لەو نامەیەدا وێرای ئەسەف خواردنی بۆ ڕەچاونەکردنی ڕێوڕەسمی ئاسایی بانگهێشت کرانی بۆ دانیشتنی سەرکردەی وڵاتانی ئیسلامی، ڕایگەیاند: لە هەلومەرجێکدا کە جیهانی ئیسلام پێویستی بە هاوڕیزی، یەکگرتن و هاوکاری هەمبەر بە دوژمنی هاوبەشە، بە داخەوە شایەدی هەندێک هەنگاوی ئاژاوەنەرانە لە پێناو بە چەواشە بردنی ڕای گشتیی جیهانی ئیسلام لە بابەتی پرسی فەلەستین وەک سەرەکیترین پرسی جیهانی ئیسلامین.

ڕاشیگەیان: لەو دانیشتنە و تەواو کۆڕ و کۆبوونەوەکاندا رێبەرانی جیهانی ئیسلام دەبێ لە بواری یەکگرتوویی ئیسلامی هەنگاو بنێن و رێگە نەدەن هەندێک کەس بە خستنەڕووی پرسی دەرەکی، زەینی دەوڵەتان و گەلانی ئیسلامی لە چارەنووسی گەلی چەوساوەی فەلەستین و هەڕەشەگەلی ڕژیمی زایۆنی دوور خاتەوە.

ناوبراو بە ئاماژە بە هەنگاوەکانی ئەمریکا لە ڕاگەیاندنی بەیتولموقەدەس وەک پایتەختی ڕژیمی زایۆنی تا گواستنەوەی باڵوێزخانەی ویلایەتە یەکگرتووەکان بۆ ئەو شارە و بە فەرمی ناسینی دەسەڵاتی ڕژیمی زایۆنی بە سەر بەرزاییەکانی گوڵان وەک بەشێک لە خاکی سووریا، وتی: ئەو هەنگاوانە نە تەنیا دوژمنایەتی ئاشکرای ئەمریکا لە دژی فەلەستین، بەڵکوو کۆی جیهانی ئیسلامە و لە خۆیدا پێشێلکەری ئاشکرای یاساگەلی نێودەوڵەتی و بڕیارنامە و ڕێککەوتنەکانی ڕێکخراوی کۆمکاری ئیسلامییە و هاوکات دەستپێکێکە بۆ ڕەوتێکی ترسێنەر لە دژی ئۆمەی ئیسلامی.

ڕۆحانی بە ئەسەف خواردن بۆ نەبوونی کارادنەوەی گونجاو هەمبەر بەو هەنگاوانەی ئەمریکا لە لایەن دەوڵەتانی ئیسلامی، پرسی "مامەڵەی سەدە"ی بیر هێنایەوە و جەختی کرد: پیلانی شۆمی مامەڵەی سەدە هەوڵێکە بۆ لەناوبردنی ئایدیای فەلەستین، پەرەسەندنی داگیرکاری و دەستدرێژی بۆ سەر هەموو وڵاتانی ئیسلامی. ئەو پیلانە ڕەهەندی زۆر پڕمەترسیی بۆ ناوچە بە دواوەیە و داڕێژەرانی هەوڵ دەدەن بە سڕینەوەی مافی ڕەوای گەلی فەلەستین بۆ چارەی خۆنووسی و پێکهێنانی دەوڵەتێکی سەربەخۆی پاوەجێ لە وڵاتی مێژووییان بە پایتەختی قودسی پیرۆز، رێ بۆ هێژمۆنیای زایۆنییەکان بە سەر ڤیهانی ئیسلام و عەرەب خۆش دەکەن.

سەرۆک کۆمار لە درێژەی پەیامەکەی خوازیاری وەلاوەنانی ناکۆکیی ناوماڵی جیهانی ئیسلام و پاڵپشتی لە فەلەستین لە دۆخی ئێستادا بوو و وتیشی: رێبەرانی ئیسلامی دەبێ بە دوای چارەدۆزیی بە پەلە هەمبەر بە هەڕەشە مەزنەکان بۆ سەر جیهانی ئیسلام بن و لە هەلی کۆبوونەوەیان بۆ بەرەنگاربوونەوەی پیلانی پڕمەترسیی مامەڵەی سەدە و بەرگری لە فەلەستین بەهرە ببەن و رێگە نەدەن لە مەکەی قیبلەگای موسڵمانان قیبلەی یەکەمی جیهانی ئیسلام بخرێتە پەراوێزەوە.

News Code 26747

نیشانەکان

بۆچوونی ئێوە

You are replying to: .
  • 3 + 4 =