بەرپرسانی عەرەبستان کۆتایی بە پێشێل کردنی مافی هاووڵاتیان بێنن

شۆڕای باڵای فەتوای پارێزگای کوردستان بە دەرکردنی بەیاننامەیەک وێرا ئیدانە کردنی ئیعدامی ٣٧ هاووڵاتی شیعە لە عەرەبستان، ڕایگەیاند: بەرپرسانی سعوودی کۆتایی بێنن بە پێشێل کردنی بەردەوامی مافی هاووڵاتیانی.

بە ڕاپۆرتی ئاژانسی هەواڵی مێهر، شۆڕای باڵای فەتوای پارێزگای کوردستان بە دەرکردنی بەیاننامەیەک وێرای ئیدانە کردنی ئیعدامی ٣٧ هاووڵاتی شیعە لە عەرەبستان، ڕایگەیاند: بەرپرسانی سعوودی کۆتایی بێنن بە پێشێل کردنی بەردەوامی مافی هاووڵاتیانی.

لەو بەیاننامەیەدا هاتووە: کرداری شەرم هێنەرانەی دەولەتی عەرەبستان لە ئیعدام کردنی ٣٧ هاووڵاتی و چالاکی مەدەنیی ئەو وڵاتە، بۆتە مایەی ئەسەفی کۆمەڵگای زانایان و ڕۆحانییەکانی سوننەی کوردستان و ئەو کردارە ناژیرانەیە هەست و سۆزی مرۆیی هەموو ئازادیخوازانی جیهانی بۆ هاودەنگی و هاودەردی لە گەڵ ئیعدام کراوان و بنەماڵەکانیان ورووژاندووە.

لە بەشێکی دیکەی بەیاننامەکەدا جەخت لەوە کراوە: ئەوی لەمناوە بۆتە هۆی سەرسووڕمان و ڕاچڵەکانی هەمووان ئەوەیە کە ڕژیمی سعوودی کە ئێستا بۆ خۆی لە زەلکاوی شەڕی پڕ لە زیانی یەمەندا چەقیوە و هێشتاش شەرمەزاری کوشتنی خاشقجی و کارەساتی مێنا و ڕووداوەکەی مەکەیە، چۆنە توانیویەتی دەست بداتە جەمایەتێکی دیکەی لەو چەشنە.

هەروەها شۆڕای باڵای فەتوای پارێزگای کوردستان لە کۆتاییدا وێرای ئیدانە کردنی دەوڵەتی عەرەبستان، ڕاشیگەیاندووە: ئێمە هاوکاتی ئیدانە کردن و دەربڕینی بێزاریمان لەو جۆرە کردارە توندوتیژ و نامرۆڤانەی بەرپرسانی سعوودی، خوازیاری ئەوەین کە چیتر بەرپرسانی ئەو وڵاتە گوێ بدەنە داخوازیی ڕەوای کۆمەڵگای مەدەنی و کۆتایی بێنن بە پێشێل کردنی بەردەوامی مافی هاووڵاتیانیان.

News Code 26258

نیشانەکان

بۆچوونی ئێوە

You are replying to: .
  • 3 + 0 =