بەشداریی فیلمی هونەرمەندێکی ئیلامی لە فێستیڤاڵی لێفت ئافی بریتانیا

فیلمی "لقێکی گوڵ" لە دەرهێنانی "تالب ڕەماوەندی" دەرهێنەری کوردی ئیلامی بەشداری فێستیڤاڵی نێونەتەوەیی فیلمی ۲۰۱۹ Lift-Off لە وڵاتی بریتانیا بوو.

بە ڕاپۆرتی ئاژانسی هەواڵی مێهر، فیلمی لقێکی گوڵ بەسەرهاتی کیژێکی ٨ ساڵانە کە دەیەوێ بۆ رۆژی مامۆستا لقێکی گوڵ کە دیاری باوکی کۆچکردووی بۆ دایکی بووە لە گەڵ وێنەیەکی باوکی بە دیاری بداتە مامۆستاکەی.

ئەم فیلمە بەرهەمی ساڵی ١٣٩١ی هەتاوییە و تێیدا میدیا ئازادی، عەنبەرتەڵا مەداحی و موسەیب ڕۆستەمی دەوریان گێڕاوە و کۆمپانیای موورچە ئەرکی بڵاوکردنەوەی جیهانیی بەئەستۆ گرتووە.

فێستیڤاڵی نێونەتەوەیی فیلمی ۲۰۱۹ Lift-Off هاوکاتی نمایشی فیلمەکانی لە شاری لەندەن لە ١٢ شاری دیکەی جیهان و لەوان شارەکانی سیدنی، مەنچستر، مێلبۆرن، ئامستردام، بەرلین، تۆرێنتۆ، تۆکیۆ، پاریس و نیۆیۆریکیش نمایش دەدرێت.

شایانی باسە، لە پۆستەری ئەو فێستیڤاڵەدا وێنەیەک لە فیلمی "لقێکی گوڵ" (کچێکی گەلیم بەدەست) دەبیندرێ کە نیشاندەری بەهادانی ستافی فێستیڤاڵ بە بەرهەمی تالب ڕەماوەندییە.

News Code 26165

نیشانەکان

بۆچوونی ئێوە

You are replying to: .
  • 1 + 16 =