گورزی کوشندە لە ۲۰ گرووپی تەکفیری و داعشی لە کوردستان

بەرپرسی گشتی ئیدارەی ئیتلاعاتی کوردستان وتی: لە ساڵی رابردوو و لە پێناو هەوڵە ئەنجام دراوەکان بۆ پاراستنی ئاسایشی وڵات، گورزی کوشندە لە ۲۰ گرووپی تەکفیری بە تایبەتی داعش دراوە.

بە ڕاپۆرتی ئاژانسی هەواڵی مێهر، بەرپرسی گشتی ئیتلاعاتی کوردستان لە کۆنفڕانسێکی ڕۆژنامەوانیدا بە ئیدانە کردنی بڕیاری ئەمریکا بۆ بە تیرۆریست ناوبردنی سوپای پاسداران، زیادی کرد: سوپا بنەمایەکی سەرەکیە بۆ دابین کردنی ئاسایشی وڵات و دوژمن بۆ بەرەنگاریی لەگەڵ توانستەکانی سوپا ئەم کارەی کردووە.

ئەو هەروەها بە ئاماژە بە ستراتێژییەکانی وەزارەتی ئیتلاعات لە ئێران رایگەیاند: باشترین و گرینگترین سەرمایەی ئەم دەزگا متمانەی خەڵکە و بێ گومان هەموو کارەکان و ئۆپراسیۆنەکانی ئەم وەزارەتە لە چوارچێوەی شەرع، یاسا و ئەخلاق ئەنجام دەدرێت.

راشیگەیاند: هەوڵ بۆ پەرەدان بە بەرهەم هێنانی نەتەوەیی و ئابووری بە ئامانجی  کەم کردنەوەی هەژاری لە دیکەی پلانە گرینگەکانی وەزارەتی ئیتلاعاتە.

ئاماژەشی بە هەڕەشە ئەمنییەکانی سەر ئێران لەوانە هەڕەشەکانی سەر پارێزگای کوردستان کرد و وتی: پێکهاتنی گرووپی تیرۆریستی داعش و پیلان داڕشتنەکانیان نیشانەی پلانی دوژمنە بۆ بەرەنگاریی لەگەڵ نیزامی کۆماری ئیسلامی ئێران.

بەرپرسی گشتی ئیتلاعاتی کوردستان وتی: گرووپی تیرۆریستی داعش کۆماری ئیسلامی ئێران بە دوژمنی ژمارە یەکی خۆی دەزانێ و ئەمە نیشان دەدات کە چەوسێنەریی جیهانی لەم بوارەدا پیلانی جیدی پێبووە.

 باسی لە پیلانە بێ کۆتاییەکانی دوژمن لە سنوورەکانی کوردستان کرد و وتی: ئەمرۆکە  دەزگا هەواڵگرییەکانی وڵاتانی ڕۆژاوایی لە نزیکی سنوورەکانی ئێران چالاکی دەکەن و ئێمە بەردەوام ڕەسەدی کارەکانیان دەکەین و هەر جۆرە داپەڕێکیان دژی ئاسایشی نەتەوەیی پووچەڵ دەکەینەوە و هەندێ جاریش دژیان ئۆپراسیۆنمان هەیە.

ئەوەشی راگەیاند کە ساڵی رابردوو لە پرسە ئەمنییەکاندا لە پارێزگای کوردستان سەرکەوتوو بووین و هەموو پیلانە ئەمنییەکانی دوژمنەکان پووچەڵ کرایەوە  و گورزی کوشندە لە ۲۰ گرووپی تەکفیری و بە تایبەت داعشی درا و زیاتر لە ۱۰۰ کەس دەستگیر کران و بە ڕێژەیەکی زۆر چەک و تەقەمەنی دەستی بەسەردا گیرا.

لەبارەی شەهید کردنی شۆفێرێکی ئامبۆلانس لە ڕێگای سنە بۆ کامیارانیشەوە وتی: ئەو کارە لە لایەن گرووپێکی سەر بە تیرۆریستانی پژاک ئەنجام دراوە کە سەرجەمیان دەستگیر و ڕەوانەی بەردەم دادگە کران.

ئەوەشی ئاشکرا کرد کە زیاتر لە ۵ شانەی سەر بە گرووپە تیرۆریستییە دژە شۆڕشەکان لە ئێران تێکشکێندراون و بە هاوکاری خەڵک ساڵی ڕابردوو ڕێگری کراوە لە هەڵخڵەتان و تەڤل بوونی دەیان گەنجی پارێزگای کوردستان بە گرووپە تیرۆریستیەکان.

سەبارەت بە قاچاخی کاڵاش لە پارێزگای کوردستان بەرپرسی ئیتلاعات وتی: ساڵی رابردوو ۱۰ گرووپی گەورەی قاچاخ لە کوردستان ناسێندراونەتەوە و تێکشکێندراون. 

News Code 26091

نیشانەکان

بۆچوونی ئێوە

You are replying to: .
  • 1 + 8 =