کورد پلەی یەکەمی فستیڤاڵی مۆسیقای سۆفی لە بەنگڵادێشی مسۆگەر کرد

گرووپی مۆسیقای عێرفانی کوردیی "خەلیفە غەوسی" پلەی یەکەمی سێهەمین فێستیڤاڵی مۆسیقای سۆفیی لە شاریی چیتاگۆنگی بەنگڵادێش مسۆگەر کرد.

بە ڕاپۆرتی ئاژانسی هەواڵی مێهر، جێگری هونەری، سینەمایی و دەنگ و ڕەنگی ئیدارەی گشتیی فەرهەنگ و ئیرشادی ئیسلامی کوردستان بە ڕاگەیاندنی ئەو هەواڵە وتی: گرووپی مۆسیقای نەریتی عێرفانیی "خەلیفه غەوسی" لە سەر داوای وەزارەتی فەرهەنگی بەنگڵادێس و لە پێناو هاوکاری و پەرەدان بە پەیوەندیگەلی فەرهەنگیی نێوان دوو وڵات، بەشداری سێهەمین فێستیڤاڵی مۆسیقای سۆفی لە شاری چیتاگۆنگی ئەو وڵاتە بووە.

سامان ئەحمەدی بە ئاماژە بە بەشداریی گرووپگەلی هونەریی دیکەی وڵاتانی ئیسلامی و لەوان هیندستان، میسر، نەپاڵ و ئێران لەو فێستیڤاڵە، وتیشی: سێهەمین فێستیڤاڵی مۆسیقای سۆفی لە مەودای رۆژانی ٦ تا ١٠ی خاکەلێوەی ئەمساڵی هەتاوی بەڕێوەچوو و لە ئەنجامدا گرووپی مۆسیقای عێرفانی "خەلیفه غەوس"ی کوردستان بە نوێنەرایەتی لە ئێران پلەی یەکەمی ئەو فێستیڤاڵەی مسۆگەر کرد.

شایانی باسە، ئەندامانی گرووپی خەلیفە غەوس پێکهاتووە لە: مامۆستا عەبدولڕەحمان (تاک‌بێژ و دەف‌ژەن)، مامۆستا عەڵیڕەزا غەوسی (تاک‌بێژ، هاوبێژ و دەف‌ژەن)، ئەدیب جەوانمەردان (هاوبێژ و دەف‌ژەن) و عێرفان غەوسی (هاوبێژ و دەف‌ژەن).

News Code 25873

نیشانەکان

بۆچوونی ئێوە

You are replying to: .
  • 3 + 2 =