بە ڕاپۆرتی ئاژانسی هەواڵی مێهر بە گێڕانەوە لە هەواڵدەریی گشتیی عێراق (این)، موحسن سەعدوون لە لێدوانێکی رۆژنامەوانیدا بە ئاماژە بەوەی کە پارتی دیموکراتی کوردستان گەلێ جار خوازیاری یەکگرتوویی و یەکڕیزی حزبەکانی کوردستان لە پێناو گرتنەبەری هەڵوێستێکی هاوبەش لە گفتوگۆ لە گەڵ بەغدا سەبارەت بە پێکهێنانی دەوڵەتی نوێی عێراق بووە، وتی: هەندێک لەو حزبانە ئەو داخوازیەیان ڕەت کردۆتەوە و هەندێکی دیکەیان هیچ وەڵامێکی نەداوەتەوە.
سەعدوون ئاماژەی بەوەش دا: تەنیا یەکێتی نیشتمانی کوردستان وەڵامی ئەرێنی بەو داخوازیە داوەتەوە، هەر بۆیە بڕیارە بەمزووانە بەرپرسانی حزبی لە پارتی و یەکێتی بە هەڵوێستێکی هاوبەش، بۆ گفتوگۆ سەبارەت بە پێکهێنانی دەوڵەتی نوێی عێراق و پشکی کوردەکان لە هەڵبژاردنەکان، سەردانی بەغدا دەکەن.
Your Comment