دژی هەر جۆرە دەستێوەردانێکی بیانی له‌ مه‌نبه‌جین

شەڕڤان ده‌روێش وته‌بێژی ئه‌نجومه‌نی سه‌ربازیی مه‌نبه‌ج له‌ لێدوانێکدا ڕایگه‌یاند: دژی هەر جۆرە دەستێوەردانێکی بیانی له‌ مه‌نبه‌جین.

بە ڕاپۆرتی ئاژانسی هەواڵی مێهر بە گێڕانەوە لە زەر نیووز، شەڕڤان ده‌روێش وته‌بێژی ئه‌نجومه‌نی سه‌ربازیی مه‌نبه‌ج له‌ لێدوانێکدا ئاماژه‌ی بە سه‌فه‌ری شاندێکی ئه‌مریکی بۆ مه‌نبه‌ج کرد و وتی: لەو دیدارەدا پێمان ڕاگەیاندن کە شاری مەنبەج له‌ لایه‌ن ئه‌نجومه‌نی سه‌ربازی و مه‌ده‌نیی مه‌نبه‌جه‌وه‌ ئیداره‌ ده‌کرێت و دەرگاکانی ئه‌نجومه‌نی ئێمه‌ به‌ ڕووی هه‌ر که‌سێک که‌ بیه‌وێت ببێته‌ ئه‌ندامی ئه‌نجومه‌نی سه‌ربازی و مه‌ده‌نیی مه‌نبه‌ج کراوه‌یه‌. هه‌ر که‌س که‌ بیه‌وێت بگه‌ڕێته‌وه‌ بۆ ماڵه‌که‌ی و یان پشکێکی له‌ ئیداره‌ی شاره‌که‌ ببێت، ئێمه‌ پێشوازی لێده‌که‌ین.

ناوبراو ڕوونیشی کرده‌وه‌: له‌و باره‌وه‌ هه‌ر جۆره‌ مه‌رج یان له‌مپه‌رێک دیاری ناکه‌ین به‌ڵام دژی هەر جۆرە دەستێوەردانێکی بیانی له‌ مه‌نبه‌جین. دۆخی عه‌فرین و ئه‌عزاز که‌ له‌ کۆنتڕۆڵی سوپای تورکیایه‌ ڕوون و ئاشکرایه‌، ئێمه‌ نامانه‌وێت شڵه‌ژاوی ئه‌وێ بچێته‌ مه‌نبه‌جیش.

News Code 19397

نیشانەکان

بۆچوونی ئێوە

You are replying to: .
  • 5 + 12 =