هۆشداریی دی میستۆرا لە بووژانەوەی داعش لە سووریا

نوێنەری ڕێکخراوی نەتەوە یەکگرتووەکان لە کاروباری سووریا سەبارەت بە دەستپێکردنەوەی چالاکیی داعش لە سووریا هۆشداری دا.

بە ڕاپۆرتی ئاژانسی هەواڵی مێهر بە گێڕانەوە لە سپۆتنیک، ستفان دی میستۆرا نوێنەری ڕێکخراوی نەتەوە یەکگرتووەکان لە کاروباری سووریا سەبارەت بە هەلقۆستنەوەی داعش لە هەلومەرجی قەیراناویی سووریا و دەستپێکردنەوەی چالاکییەکانی هۆشداری دا و داوای لە دەوڵەتی سووریا کرد کە بگەڕێتەوە بۆ سەر میزی دانوستان.

ناوبراو جەختی کرد: ئەو مەترسییە لە ئارادایە کە داعش دۆخەکە بۆ خۆی بقۆزێتەوە و جموجۆڵەکانی دەست پێ بکاتەوە و دیسان شایەدی دەست پێکردنەوەی شەڕی سەرشەقام بین.

نوێنەری ڕێکخراوی نەتەوە یەکگرتووەکان لە کاروباری سووریا ڕاشیگەیاند: گەڕانەوە بۆ سەر میزی دانوستان لە قازانجی دەوڵەتی سووریایە، بە تایبەت لە ئیستادا کە لایان وایە بەهێز بوونەتەوە.

دی میستۆرا وتیشی کە ئەرکی سێ وڵاتی دەستەبەرکاری ڕووسیا، ئێران و تورکیا کەمکردنەوەی ناکۆکییەکان لە سووریایە.

ناوبراو لە ئەنجام دانی گفتوگۆکان بۆ دۆزینەوەی رێکاری سیاسی و هەوڵەکان لەو بوارەدا لە لایەن ئەوەوە، هەواڵی دا.

News Code 18343

نیشانەکان

بۆچوونی ئێوە

You are replying to: .
  • 2 + 9 =