شەریکەی شەستا له‌ ناوچه‌ی ئابووری بانه‌ سه‌رمایه‌دانه‌ری بکات

نوێنه‌ری شاره‌کانی بانه‌ و سه‌قز له‌ کۆبوونه‌وه‌ی مه‌جلیسی شۆرای ئیسلامی ئێران داوای کرد که‌ شەریکەی شەستا ده‌بێت له‌ ناوچه‌ی ئابووری بانه‌ سه‌رمایه‌دانه‌ری بکات.

به‌ ڕاپۆرتی ئاژانسی مێهر، موحسن بیگله‌ری به‌یانی وتی: خه‌ڵکی شاری بانه‌ ۷۴ له‌ سه‌د ده‌نگیان به‌ دوکتور ڕۆحانی داوه‌، که‌واته‌ داواکاریان له‌ ده‌وڵه‌ت هه‌یه‌ و چاوه‌ڕوان ده‌کرێت که‌ ده‌وڵه‌تیش ئه‌م داواکاریانه‌ به‌جێ بێنێت.

ئه‌و زیادی کرد: نزیک به‌ سێ ساڵ به‌ر له‌ ئێستا به‌ردی بناغه‌ی نه‌خۆشخانه‌ی کۆمه‌ڵایه‌تی بانه‌ دانراوه‌ و بڕیار وابوو ئه‌مساڵ زستان ته‌واو بێت که‌ هیوادارم جێبه‌جێ بێت.

ئه‌و جه‌ختی کرد که‌ ده‌وڵه‌ت ده‌بێت ئام نه‌خۆشخانه‌یه‌ ته‌یار بکات و وتی: له‌م شاره‌ هیچ بنکه‌یه‌کی خزمه‌تگوزاری کۆمه‌ڵایه‌تی و هه‌روه‌ها ئاسانکاری به‌ تایبه‌ت بۆ کرێکاره‌کان بوونی نییه‌.

نوێنه‌ری شاره‌کانی سه‌قز و بانه‌ له‌ مه‌جلیسی شۆرای ئیسلامی ئێران داوای که‌ سه‌رمایه‌دارنی شەریکەی شەستا کرد تاکوو له‌ کوردستان به‌ تایبه‌ت ناوچه‌ی ئابووری بانه‌ سه‌رمایه‌دانه‌ری بکه‌ن و وتی: ئه‌مه‌ یه‌کێک له‌ داواکارییه‌کانی خه‌ڵکی ناوچه‌که‌. ئاستی مووچه‌ی بڕێک له‌ فه‌رمانبه‌رانی ئیداره‌کان له‌ ئاستێکی باشدا نییه‌ که‌ ده‌بێت به‌دوادا چوونی بۆ بکرێت.

ئه‌و له‌ کۆتایدا ئاماژه‌ی دا: هه‌روه‌ها ژماره‌ی ئه‌و که‌سانه‌ی له‌ دوای ئاسانکارییه‌کانی ڕێکخراوی بێهزیستین یه‌کجار زۆره‌ و ده‌بێت بۆ ئه‌م کاره‌ چاره‌یه‌ک بخرێته‌ به‌رده‌ست.

News Code 15659

نیشانەکان

بۆچوونی ئێوە

You are replying to: .
  • 4 + 13 =