ڕەنگە دەسەڵاتی‌ هەرێم، لە ئانێکدا بروخێت/ خەڵک ئامادەی خۆپیشاندان بن

سه‌رۆكی په‌رله‌مانی هەرێمی كوردستان رایگه‌یاند كه "خەڵکی‌ کوردستان خۆیان بۆ خۆپیشاندانێکی‌ سەرتاسەریی‌ گەورە ئامادە بکەن."

بە ڕاپۆرتی ئاژانسی هەواڵی مێهر، یوسف محەمەد لە بەرنامەی تاوتوێی كه‌ناڵی  ئێن ئاڕ تی،  ره‌خنه‌ی توندی له‌ رێباز حه‌ملان، وه‌زیری دارایی حكومه‌تی هه‌رێمی كوردستان گرت كه‌ گه‌ڕاوه‌ته‌وه‌ سه‌ر پۆسته‌كه‌ی و رایگه‌یاند كه‌ "ئه‌و پۆسته‌ پشكی بزوتنه‌وه‌ی گۆڕانه‌".

  یوسف محەمەد، سەرۆکی پەرلەمانی هەرێمی کوردستان وتیشی: رێباز حه‌ملان پۆستی هه‌ر وه‌زاره‌تێكی دیكه‌ی وه‌ربگرتایه‌ ئاسایی بوو، نه‌ك پۆستی وه‌زاره‌تی دارایی كه‌ پشكی بزوتنه‌وه‌ی گۆڕانه‌ .

راشیگه‌یاند "كه‌ پێویست بوو رێباز حه‌ملان شه‌هه‌ماتی هه‌بوایه‌ و مامه‌ڵه‌ی به‌ پۆستی وه‌زیری داراییه‌وه‌ نه‌كردایه‌".

له‌ به‌شێكی دیكه‌ی به‌رنامه‌كه‌دا د.یوسف محه‌مه‌د ڕایگەیاند "پێویستە خەڵکی‌ کوردستان خۆیان ئامادەبکەن بۆ خۆپیشاندانێکی‌ سەرتاسەریی‌ گەورە" وتیشی "ڕەنگە ئەم دەسەڵاتەی‌ هەرێم، لە هەر ئان و ساتێک دا دابڕوخێن".

جگە لەداوای خۆپیشاندانیش وتی، پێویستە لیژنەیەکی باڵا پێکبهێنرێت بۆ ڕێکخستنی فشارەکان لەسەر حکومەت و پێویستیشە لە خۆپیشاندانی‌ سەرتاسەریی‌ دا، هێزەکانی‌ ئاسایش پارێزەری‌ ژیانی‌ خەڵک بن.

ئاماژەی بۆ ئەوەشكرد "لە ئێستادا، ئۆپۆزسیۆنبوون هیچ بەهایەکی‌ نەماوە، دەبیتە ئۆپۆزسیۆنی‌ کێ؟"

یوسف محەمەد راشیگه‌یاند: "حکومەت باگرانیی‌ و باج و سەرانەی‌ ناقانونیی‌ زیاتری‌ خستوەتە سەر خەڵک، هاوڵاتیان دەتوانن نەیدەن و  دەشتوانن لەسەر ئەو باج و سەرانەیەی‌ حکومەت خستویەتییە سەریان، شکات بکەن".

News Code 15248

نیشانەکان

بۆچوونی ئێوە

You are replying to: .
  • 1 + 2 =