ئامادەیی حەشدی شەعبی بۆ ئۆپراسیۆنی نوێ لە باکووری عێراق

هێزەکانی حەشدی شەعبی بە زوویی خۆیان بۆ ئۆپراسیۆنێکی نوێ لە دژی گرووپە تیرۆریستییە نوێکان وەک ئەنسارول سنە و ڕایات بەیز ئامادە دەکەن.

بە ڕاپۆرتی ئاژانسی مێهر لە ئەخبار، ئەبو ڕەزا جەبار، فەرماندەی هێزەکانی حەشدی شەعبی لە باکووری عێراق ڕایگەیاند کە بە زوویی بە مەبەستی پاک کردنەوەی شاخەکانی توزخورماتوو ڕەوانەی ناوچەکە دەبن.

ئەو جەختی کرد کە گوندە تورکمانەکانی توزخورماتوو هێرشی زۆر دەکرێتە سەریان و بە زوویی بۆ چارەسەر کردنی ئەم کێشەیە ڕەوانەی ناوچەکە دەبین.

شایانی باسە کە لە دوای شکستی داعش لە عێراق چەند گرووپێک لە توزخورماتوو سەریان هەڵداوە کە ناو بە ناو هێرش دەکەنە سەر گەڕەکانی شارەکە، ئەم گرووپانە لە ژێر ناوی ئاڵای سپی چالاکی دەکەن، تاکوو ئێستە زانیاری تەواو لە سەر ئەم گرووپانە بە دەست نەهاتووە.

بە پێی لێدوانەکانی ئەم فەرماندەی حەشدی شەعبی ئەم ئۆپراسیۆنە بە هاوکاری سوپای عێراق و هێزەکانی حەشدی شەعبی ئەنجام دەبێت و ئامانج لەم کارەش لێدانی گرووپی ئەنسارول سنە و گرووپی ئاڵاکانی سپی دەبێت.

News Code 15224

نیشانەکان

بۆچوونی ئێوە

You are replying to: .
  • 3 + 2 =