به‌یتول موقه‌ده‌س جارێکی دیکه‌ دەگه‌ڕێته‌وه‌ داوێنی جیهانی ئیسلام

ده‌بیرخانه‌ی کۆنفڕانسی پشتیوانی له‌ ئینتفازه‌ی فه‌له‌ستین له‌ میانه‌ی ڕاگه‌یه‌ندراوێک ئاماژه‌ی دا که‌ به‌یتول موقه‌ده‌س جارێکی دیکه‌ دەگه‌ڕێته‌وه‌ داوێنی جیهانی ئیسلام.

به‌ ڕاپۆرتی ئاژانسی مێهر، ده‌بیرخانه‌ی کۆنفڕانسی پشتیوانی له‌ ئینتفازه‌ی فه‌له‌ستین به‌ بۆنه‌ی ساڵوه‌گه‌ری ئینتفازه‌ی یه‌که‌می فه‌لستینییه‌کان ڕاگه‌یه‌ندراوێکی بڵاو کرده‌وه‌ و له‌م ڕاگه‌یه‌ندراوه‌دا بڕایاره‌که‌ی ئه‌م دواییه‌ی ئه‌مریکا سه‌باره‌ت به‌ شاری قودس ئیدانه‌ کرد.

به‌ پێی ئه‌م ڕاپۆرته‌ له‌م ڕاگه‌یه‌ندراوه‌دا هاتووه‌: خه‌ڵکی فه‌له‌ستین له‌ ڕۆژی ۱۸ی سه‌رماوه‌زی ساڵی ۱۳۶۶ی هه‌تاوی له‌ دژی داگیه‌که‌رانی زایۆنی شۆڕشیان کرد و له‌م ڕۆژه‌دا هه‌موو خه‌ڵکی فه‌له‌ستین له دژی زایۆنییه‌کان هه‌سان.

هه‌روه‌ها هاتووه‌: خه‌ڵکی فه‌له‌ستین له‌ میانه‌ی ئه‌م شۆڕشه‌ زیاتر له‌ ۳ هه‌زار شه‌هیدی دا که‌ بریتی بوون له‌ ژن و منداڵان و لاوان و به‌ساڵاچووکانی فه‌له‌ستین، ئه‌وان قاره‌مانانه‌ له‌ خۆیان له‌ به‌رانبه‌ر وه‌حشیگه‌رییه‌کانی زایۆنییه‌کان به‌رگریان کرد. خه‌ڵکی جیهان به‌ هۆی ئه‌م شۆڕشه‌وه‌ بوو که‌ ئاستی دڕه‌نده‌یی ڕژیمی زایۆنی ئاگادار بوونه‌وه‌.

هه‌روه‌ها له‌ کۆتایدا هاتووه‌: ئێسته‌ش خه‌یانه‌تێکی دیکه‌ وه‌ک وه‌ره‌قه‌که‌ی بالفۆر له‌ خه‌ڵکی فه‌له‌ستین کراوه‌. ئێمه‌ بڕوامان هه‌یه‌ که‌ کاره‌که‌ی ئه‌م دواییه‌ی سه‌رۆک کۆماره‌ نیژادپه‌ره‌سته‌که‌ی ئه‌مریکا هیچ شتێک له‌ دۆخی قودسی شه‌ریف و فه‌له‌ستین ناگۆڕێت و له‌ داهاتوویه‌کی نزیک ڕژیمی زایۆنی به‌ ته‌واوی ته‌فروتۆنا ده‌بێت و هیچی لێنامێنێته‌وه‌ و جارێکی دیکه‌ شاری قودس ده‌گه‌ڕێته‌وه‌ بۆ داوێنی جیهانی ئیسلام.

News Code 15133

نیشانەکان

بۆچوونی ئێوە

You are replying to: .
  • 8 + 6 =