سەبارەت بە دۆخی بەیتولموقەدەس؛

ئەنجومەنی ئاسایش رۆژی هەینی دانیشتنی تایبەتی بەڕێوەدەبات

ناسەی هەواڵ: 4165272 -
ئەنجومەنی ئاسایشی نەتەوە یەکگرتووەکان لە سەر داوای ٨ ئەندامی ئەو ئەنجومەنە بە مەبەستی لێکدانەوەی بڕیاری سەرۆک کۆماری ئەمریکا بۆ ناساندنی "بەیتولموقەدەس" وەک پایتەختی ڕژیمی زایۆنی دانیشتنێکی تایبەتی بەڕێوەدەبات.

بە ڕاپۆرتی ئاژانسی هەواڵی مێهر بە گێڕانەوە لە ڕۆیتەرز، ژمارێک لە دیپلۆماتەکانی ڕێکخراوی نەتەوە یەکگرتووەکان رۆژی چوارشەممە ڕایانگەیاند کە ئەنجومەنی ئاسایش لە سەر داوای ٨ ئەندام لە کۆی ١٥ ئەندامی ئەو ئەنجومەنە بڕیارە رۆژی هەینی بۆ لێکدانەوەی بڕیاری پڕهەنگامەی "دۆناڵد ترامپ" بۆ ناساندنی فەرمیی "بەیتولموقەدەس" وەک پایتەختی ڕژیمی زایۆنی، دانیشتنێک بەڕێوە دەبات.

داواکاری بۆ بەڕێوەبردنی ئەو دانیشتنە کە ئاراستەی "ئانتۆنیۆ گوترش" ئەمینداری گشتیی ڕێکخراوی نەتەوە یەکگرتووەکان کراوە لە لایەن وڵاتانی فەڕەنسا، بۆلیوی، میسر، ئیتالیا، سێنەگال، سوید، بەریتانیا و ئۆرۆگۆئە واژۆ کراوە.

شایانی باسە کە ترامپ رۆژی هەینی لە وەرسووڕانێکی سەیروسەمەرەدا لە سیاسەتگەلی چەند دەیەیی ئەمریکا لە ناوچەی رۆژهەڵاتی ناڤین، بەیتولموقەدەسی وەک پایتەختی فەرمی ڕژیمی زایۆنی بە فەرمی ناسی و فەرمانی گواستنەوەی باڵوێزخانەی ئەمریکا لە تەل ئاویووە بۆ بەیتولموقەدەس دەرکرد.

ناردنی بۆچوون

1 + 10 =