گفتوگۆ تەنیا ڕێگا چارەی پاک کردنەوەی تیرۆریزم لە ڕۆژهەڵاتی ناڤینە

بەهرام قاسمی لە کاردانەوە بە قسەکانی سەرۆک کۆماری ئەمریکا جەختی کرد: ئێران بێ سەرەنج دان بە تۆمەتەکانی بەرپرسانی ئەمریکی، وتووێژ و هاوکاری بە تەنیا ڕێگا چارەی پاک کردنەوەی ڕۆژهەڵاتی ناڤین لە تیرۆریزم دەزانێت.

بە ڕاپۆرتی ئاژانسی هەواڵی مێهر، بەهرام قاسمی وتەبێژی وەزارەتی دەرەوەی ئێران لە کاردانەوە بە وتەکانی مایک پنس جێگری سەرۆک کۆماری ئەمریکا ئاشکرای کرد: دووپات کردنەوەی زیادی تۆمەتەکانی بەرپرسانی ئەمریکی دژی ئێران نیشانی دەدات ئەوان یا بە ئەنقەسد چاوی خۆیان بەڕووی ڕاستییەکان واتا شکستی گەورەی داعش لە دوو وڵاتی عێراق و سووریا بەستووە یا لە شکستی ئەو گرووپە و لە دەستی دانی ناوچە ژێر دەستەکانی ئەوان نیگەرانن.

ناوبراو زیادی کرد: تۆمەتبار کردنی ئێران بە پاڵپشتی لە تیرۆریزم لە لایەن بەرپرسانی ئەمریکییەوە لە حاڵێکدا دێتە ئاراوە کە ئێمە بەردەوام بەرپرسانە و بە ئامانجی یارمەتی بە پاراستنی سەقامگیری و ئاسایشی ناوچەکە، لە پاڵ نەتەوەکانی عێراق و سووریا وەستاوین. هیچ کەس و هیچ وڵاتێک ناتوانێت لە دەوری بەرچاو و ئەرێنی ئێران لە شەڕ دژی تیرۆریزم لە ناوچەکە و جیهان نکۆڵی بکات.

News Code 14889

نیشانەکان

بۆچوونی ئێوە

You are replying to: .
  • 5 + 1 =