بە ڕاپۆرتی ئاژانسی هەواڵی مێهر، ئیسماعیل بەقایی لە هەژماری خۆی لە تۆڕی کۆمەڵایەتی ئیکسدا نووسی: لێدوانەکانی بەڕێز ئەردۆغان سەرۆک کۆماری تورکیا سەبارەت بەوەی کە نەورۆز جەژنی تورک‌زمانانیشە و یارمەتیدەری هاوڕیزییانە، نیشاندەری قووڵایی و دەوڵەمەندیی پەیامی نەورۆزە.
ناوبراو بە ئاماژە بە بنچینەی دێرینی نەورۆز لە شارستانییەتی ئێرانی و لەناو گەلانی دانیشتووی بانی ئێران، وتیشی: جێی شانازییە کە ئەوڕۆکە نەورۆز لەسای پەیامی بەرزی مرۆڤایەتی و فەرهەنگییەوەی، لە لایەن زۆربەی گەلانی وەک تورک، کورد، عەرەب، بەلووچ، تورکمان، ئۆزبەک و ... دەنرخێندرێ و بۆتە هۆی تۆکمەی پەیوەندیگەلی مرۆڤانە، فەرهەنگی و کۆمەڵایەتیی نێوان نەتەوە و گەلانی ناوچەیەکی بەرین لە ڕۆژهەڵات تا ڕۆژئاوای ئاسیا و ئەولاتریش.
بەقایی لە کۆتاییدا وتەکانی ئەمینداری گشتیی ڕێکخراوی نەتەوە یەکگرتووەکانی لەبارەی نەورۆز بیرهێنایەوە و جەختی کرد: "لە دنیای پڕ لە کیشمەکێش، ئاژاوە و شەڕدا، نەورۆز دیارییەکی بەنرخە. نەورۆز نیازپاکیی درواسێیانە، ئاشتەوایی و هاوڕیزی لە نێوان بەرە و کۆمەڵگاکاندا بڕەو پێ دەدا".
Your Comment