ئامادەیی یەکێتی ئەورووپا بۆ نێوبژیڤانی تورکیا و په‌که‌که‌

فدریکا موگرینی هاوکات له‌گه‌ڵ ئه‌وه‌ی که‌ کاره‌کانی په‌که‌که‌ی به‌ تیرۆریستی ناو برد، ڕایگه‌یاند که‌ یه‌کێتی ئه‌ورووپا ئاماده‌یه‌ له‌ پڕۆسه‌ی ئاشتی نێوان په‌که‌که‌ و تورکیا نێوه‌ندگیری بکات.

به‌ ڕاپۆرتی ئاژانسی مێهر له‌ سپۆنتیک، فدریکا موگرینی به‌رپرسی سیاسه‌تی ده‌ره‌وه‌ی یه‌کێتی ئه‌ورووپا، ئه‌مڕۆ له‌ ئاماده‌یی ئه‌م یه‌کێتییه‌ بۆ نێوه‌ندگیری کردن له‌ نێوان په‌که‌که‌ و تورکیا هه‌واڵی دا.

ئه‌و له‌مباره‌وه‌ وتی: یه‌کێتی ئه‌ورووپا و هه‌ر هه‌موو ئه‌ندامانی ئه‌ورووپا کاره‌کانی په‌که‌که‌ به‌ تیرۆریستی ده‌زانن.

شایانی باسه‌ ئه‌مریکا و یه‌کێتی ئه‌ورووپا ئه‌گه‌رچی کاره‌کانی په‌که‌که‌ به‌ تیرۆریستی ده‌زانن، به‌ڵام ئاماده‌ نه‌بوون یارمه‌تی تورکیا بۆ شه‌ڕ کردن له‌گه‌ڵ په‌که‌که‌ بده‌ن و به‌رده‌وام جه‌ختیان کردووه‌ که‌ ته‌نیا ڕێگه‌ چاره‌ دانوستانی ئاشتی له‌ نێوان هه‌ر دوو لایه‌.

به‌رپرسی سیاسه‌تی ده‌ره‌وه‌ی یه‌کێتی ئه‌ورووپا دوای دیدار  و دانوستان له‌گه‌ڵ عومه‌ر چیلیک، وه‌زیری کاروباری یه‌کێتی ئه‌ورووپا زیادی کرد: ئێمه‌ بڕوامان وایه‌ ته‌نیا ڕێگه‌ چاره‌ی تورکیا ئه‌وه‌یه‌ که‌ هه‌رچی زووتره‌ هه‌موو ده‌مارگرژییه‌کان و هێرشه‌کان ده‌بێت ڕابوه‌ستێت.

فدریکا موگرینی درێژه‌ی دا: چه‌که‌کان دابنێن و پڕۆسه‌ی سیاسی با ده‌ست پێبکات، یه‌کێتی ئه‌ورووپا ئاماده‌یی ئه‌وه‌ی هه‌یه‌ که‌ هاوڕێی ئه‌م پڕۆسه‌یه‌ بکات.

ئه‌و جه‌ختی کرد: دانوستانه‌کانی نێوان ئه‌ورووپا و تورکیا بۆ لابردنی وه‌رگرتنی ویزا له‌ لایه‌ن شارۆمه‌ندانی تورکیا درێژه‌ی هه‌یه‌.

شایانی باسه‌ که‌ تورکیا و یه‌کێتی ئه‌ورووپا له‌ مانگی مارسی ساڵی ۲۰۱۶وه‌ به‌ ڕێککه‌وتن گه‌یشتن که‌ به‌ پێی ئه‌م ڕێککه‌وتنه‌ تورکیا به‌ڵێنی داوه‌ به‌ر به‌ هاتنی به‌ لێشاوی ئاواره‌کان بۆ یه‌کێتی ئه‌ورووپا بگرێت و یه‌کێتی ئه‌ورووپا له‌ پێناو ئه‌مه‌دا بڕه‌ پاره‌یه‌کی زۆر به‌ تورکیا ده‌دات.

هه‌روه‌ها یه‌کێتی ئه‌ورووپا به‌ڵێنی داوه‌ که‌ بابه‌تی لابردنی وه‌رگرتنی ویزا له‌ لایه‌ن شارۆمه‌ندانی تورکیا بۆ سه‌فه‌ر به‌ ئه‌ورووپا تاوتوێ بکات.

News Code 5360

نیشانەکان

بۆچوونی ئێوە

You are replying to: .
  • 7 + 6 =