بە ڕاپۆرتی ئاژانسی هەواڵی مێهر، ڕێکخراوی ئاشتی ئەمریکا لە ڕاپۆرتێکدا لەسەر کەمپی ئەلهەول کە زیاتر لە 50000 ئەندامی سەر بە داعشی تێدا نیشتەجێ کراوە، هۆشداریی داوە کە هێزە کوردییەکان کە بەرپرسیارێتی پارێزەوانی لە ئەو کەمپەیان لە ئەستۆیە بە تەنیا ناتوانن توندڕەوەکان لە ئەو کەمپە کۆنترۆڵ بکەن.
ئەو دامەزراوە هۆشداریی داوە کە ئەگەر بە دۆخی قەیرانی ئەو کەمپە کە تێێدا توندوتیژی تا ڕادەیەکی زۆر بەرز بووەتەوە، سەرەنج نەدرێت، مەترسیی دروست بوونی داعشی ژمارە 2 هەیە.
دامەزراوەی ئاشتی ئەمریکا هەروەها بە ئاماژە بە هێرشەکانی مانگی ژانویەی تیرۆریستانی داعش بۆ سەر زیندانی ژێر کۆنترۆڵی کوردەکانی سووریا لە شاری حەسەکە هۆشداریی دا وێڕای کوژرانی زیاتر لە 500 کەس لەوانە هێزەکانی پارێزەری زیندان و چەکدارەکان لە ئەو هێرشە، ژمارەیەکی نادیار لە زیندانیانی داعش هەڵاتوون کە ئەو بابەتە مەترسییەکی جیدییە بۆ سەر ئاسایشی سووریا.
بۆچوونی ئێوە