لایەنی بەرانبەر لە ڤیەنا ئیرادەی خۆی نیشان بدات

وەزیری دەرەوەی ئێران وتی: پێشکەوتنی باشمان لە رەوتی دانوستانەکانی ڤیەنا بووە بەڵام هێشتا هەندێ بابەتی سەرەکی هەیە کە دەبێ لایەنی بەرانبەر بڕیاری لە سەر بدات و ئیرادەی خۆی نیشان بدات.

بە پێی راپۆرتی ئاژانسی هەواڵی مێهر، حسێن ئەمیرعەبدوڵاهیان لە دیدار لە گەڵ ئانتۆنیۆ گوترش سەبارەت بە دۆخی ئەفغانستان باسی کرد و داکۆکی کردە سەر پێویستی ناردنی یارمەتی بۆ ئەو وڵاتە.

ئەو هەروەها سەبارەت بە دۆخی یەمەن باسی کرد و وتیشی: یەمەن لە دۆخێکی قەیراناوی دایە و دەبێ بۆ چارەسەر کردنی کێشەی سیاسی ئەم وڵاتە هەوڵ بدرێت و ڕێگری لە پێک هاتنی قەیرانی مرۆیی بکرێت.

ناوبراو سەبارەت بە رەوتی دانوستانەکانیش رایگەیاند: پێشکەوتنی باشمان لە رەوتی دانوستانەکانی ڤیەنا بووە بەڵام هێشتا هەندێ بابەتی سەرەکی هەیە کە دەبێ لایەنی بەرانبەر بڕیاری لە سەر بدات و ئیرادەی خۆی نیشان بدات.

لە درێژەدا گوترشیش وتی: ئێمەش پێمان وایە دەوڵەتی ئەفغانستان دەبێ دەوڵەتێکی گشتگیر بێت و ڕێکخراوەی نەتەوە یەکگرتووەکانیش پێویستی یارمەتی دان بەو وڵاتە پەسند دەکات.

ئەو سەبارەت بە دۆخی یەمەنیش وتی: درێژەی قەیران لەو وڵاتە شیاو نییە و دەبێ ئاشتی و ئاسایش بگەڕێتەوە ئەو وڵاتە.

ناوبراو داکۆکی کرد: هەموومان چاوەڕوانین ڕێککەوتنێکی باش لە نێوان ئێران و لایەنەکانی دیکەدا پێک بێت کە بەرژەوەندییەکانی ئەو وڵاتە لەبەرچاو بگرێت.

News Code 41106

نیشانەکان

بۆچوونی ئێوە

You are replying to: .
  • captcha