قەیرانی سووریا بە بێ سەرنج دان بە کێشەی ئاوارەکان چارەسەر نابێت

وەزیری دەرەوەی ئێران وتی: بە بێ سەرنج دان بە کێشەی ئاوارەکان و گەمارۆکانی دژی سووریا، قەیرانی ئەم وڵاتە چارەسەر نابێت و بەرەو ڕێگای دروست ناڕوات.

بە پێی راپۆرتی ئاژانسی هەواڵی مێهر، گیر پێتێرسۆن نوێنەری ڕێکخراوەی نەتەوە یەکگرتووەکان لە گەڵ حسێن ئەمیرعەبدوڵاهیان دیدار و وتووێژیان کرد.

ئەمیرعەبدوڵاهیان لەم دیدارەدا وتی: هێزە ئەمریکییەکان لە سووریا و هەروەها هێرشەکانی ڕژیمی زایۆنی بۆ ئەم وڵاتە یەکێک لە هۆکارەکانی پێک هاتنی قەیران لە سووریایە.

ئەو وتیشی: بە بێ سەرنج دان بە کێشەی ئاوارەکان و گەمارۆکانی دژی سووریا، قەیرانی ئەم وڵاتە چارەسەر نابێت و بەرەو ڕێگای دروست ناڕوات.

گیر پێتێرسۆن نوێنەری تایبەتی ڕێکخراوەی نەتەوە یەکگرتووەکان لە سووریا دۆخی سووریای سەقامگیر زانی و وتیشی: ئێستا هیچ لایەنێک باسی گۆڕانی ڕژیم لەم وڵاتە ناکەن.

ئەو هەروەها داکۆکی کردە سەر حاکمیەتی نەتەوەیی، سەقامگرتوویی سیاسی و پاراستنی خاکی سووریا.

News Code 40728

نیشانەکان

بۆچوونی ئێوە

You are replying to: .
  • 9 + 3 =