بە پێی ڕاپۆرتی ئاژانسی هەواڵی مێهر، بە بۆنەی یادی لە دایکبوونی حەزڕەتی ئیمام ڕەزا، هاوکات لەگەڵ ٨ شاری گەورەی ئێران، لە گۆڕەپانی هەفت تیری تارانیش تا گۆڕەپانی حەزرەتی وەلی عەسر (د.خ) و پاشان لەسەر بلواری کەشاوەرز، جەژن و ئاهەنگ و خۆشی بەڕێوەدەچێت.
مەراسیمەکە کە بە ئامادەبوونی بە جۆش و خرۆشی بنەماڵەکان لە شەقامی هەفت تیری تاران دەستیپێکردووە و تا کاتژمێر 10ی شەو بەردەوام دەبێت.
خەڵک و ڕێکخراوە مەدەنییەکان سەدان خێوەتیان هەڵداوە بۆ بەخشینەوەی شەکراو و شیرینی بەسەر خەڵکدا.
شایانی باسە کۆبوونەوەی ئەمساڵی ئیمام ڕەزا جگە لە تاران ڕۆژانی چوارشەممە، پێنجشەممە و هەینی لە شارەکانی ورمێ، مەشهەد، هەمەدان، قەزوین، کرمان، ساری، ڕەشت، ئەردەبیل بەڕێوە چوو.
هەزار خێوتی ڕۆشنبیری و خواردن و خواردنەوە لەم جەژنەدا خزمەت بە میوانەکان دەکەن.
لە نێویاندا ڕەشماڵی کۆچەرییەکان هەن، کە وەک ڕەمزی گەلانی جۆراوجۆری ناو ئێران بەشدارن و بە پێشکەش کردنی خواردنی تایبەتی ناوچەی خۆیان، میوانداریی ئامادەبووانی ئاهەنگی ئیمام ڕەزاییەکان دەکەن.
لەم ئاهەنگەدا بۆ منداڵان و تازەلاوان بەرنامەی جۆراوجۆریان ئامادەکردووە، لەوانە یاری و تۆپ و یاری فیکری و تۆپی پێی سەر مێز و دارت.
Your Comment