ئێران قبووڵی ناکات گرووپە تیرۆریستەکان لە خاکی هەرێمیەوە هەڕەشە لە ئاسایشی بکەن

ئیره‌ج مه‌سجدى باڵیۆزى ئێران له‌ به‌غدا به‌ ئاژانسى هه‌واڵى عێراقى ڕاگه‌یاندوه‌، كێشه‌ى گروپه‌ نه‌یاره‌كانى وڵاته‌كه‌ى چه‌ند جارێك له‌گه‌ڵ هه‌رێم و عێراق باسكراوه‌و هاوكار نه‌بوون بۆ چاره‌سه‌ركردنى ده‌ڵێت" ئه‌وگروپانه‌ له‌ناو خاكى هه‌رێمه‌وه‌ ده‌چنه‌ ئێران و كرده‌وه‌ى تیرۆرستى ئه‌نجامده‌ده‌ن و دواتر ده‌گه‌ڕێنه‌وه‌ ناوخاكى هه‌رێم ، ئێران ئه‌مه‌ى پێ قبوڵ ناكرێت."

مه‌سجدى ئه‌وه‌ش ده‌خاته‌ڕوو، ئێران هه‌رگیز له‌گه‌ڵ زیانگه‌یاندن به‌ ناوچه‌ سنورییه‌كان نیه‌ به‌ڵام هه‌موو هه‌وڵێك ده‌دات بۆ پاراستنى هاووڵاتیه‌كانى و جارێكى تر داوا له‌ حكومه‌ته‌كانى هه‌رێم و ناوه‌ند ده‌كات ئه‌و كێشه‌یه‌ چاره‌سه‌ربكه‌ن.