ڕێککەوتنی بەغدا- واشینتۆن بایەخی نییە/ بەرخۆدان فریوی ئەمریکا ناخوات

سکرتێری گشتیی بزووتنەوەی بەرخۆدانی ئیسلامی "نوجەبا"ی عێراق داکۆکی کرد: بە پێی ئەوەی کە ڕێککەوتنی بەغدا- واشینتۆن پێویستیی بە پاشگەزبوونەوەی ئەمریکییەکان لە خاک و ئاسمانی عێراق نییە، بۆ ئێمە بایەخی نییە.

بە پێی هەواڵی مێهر، شێخ ئەکرەم ئەلکەعبی سکرتێری گشتیی ئەم گرووپە کاردانەوەی بە ڕێککەوتنی ئەم دواییانەی بەغدا- واشینتۆن نیشان دا.

ئەو لەم بارەوە وتی: بڵاوکراوەی هاوبەشی دوو وەزارەتی دەرەوەی ئەمریکا و عێراق پێویستی بە پاشگەز بوونەوەی ئەمریکا نییە. ئەم فریوە تەنیا بۆ خۆیان باشە و بەرخۆدان تاکوو ئازادبوونی تەواوی عێراق ڕادەوەستێت.

ناوبراو هەروەها گۆڕانی ناوی هێزە داگیرکەرە بیانییەکان بە هێزی ڕاوێژکاری فریوێکی بەتاڵ زانی و وتیشی: بەرخۆدانی ئێمە تاکوو ئازاد کردنی تەواوی وڵات و بەدەست هێنانەوەی دەسەڵاتی عێراق و بەڕێوە بردنی جێژنی سەرکەوتن درێژەی دەبێت.

پێشتریش جەعفەر حسێنی وتەبێژی گوردانەکانی حیزبوڵای عێراق کاردانەوەی بەم ڕێککەوتنە نیشان دابوو و لەم بارەوە وتبووی: بەشداری هێزە ئەمریکییەکان لە عێراق بە هیچ شێوەیەک قبووڵ ناکرێت.

واژۆی ڕێککەوتننامەی نێوان ئەمریکا و عێراق سەبارەت بە چوونە دەرەوەی هێزە ئەمریکییەکان کاردانەوەی زۆری بەدواوە بوو.

News Code 38440

نیشانەکان

بۆچوونی ئێوە

You are replying to: .
  • 5 + 4 =