بە پێی هەواڵی مێهر، عەلی ئەکبەر ساڵحی لەم بارەوە وتی: ئێستا هێزگەی بووشێهر کە لە ساڵی 92وە چالاکی خۆی دەست پێ کردووە، ساڵانە هەزار مگاوات کارەبا بەرهەم دێنێت. پاش لێکدانەوەی وەزارەتی وزە، زانکۆی شەریف و چەند سەرچاوەی زانستیتر، باسی بەرهەم هێنانی 7 تا 10 هەزار مگاوات کارەبای ناڤۆکی کرا و بە پێی ئەوەش ئێمە دەبێ ساڵانە 7 تا 8 هەزار مگاوات کارەبای ناڤۆکی بەرهەم بێنین.
ئەو وتیشی: هۆکاری ئەوەی کە تا ئێستا نەمانتوانیوە 20 هەزار مگاوات کارەبا بەرهەم بێنین کێشەی ئابووری بووە. لە لایەکیترەوە ڕێبەری مەزنی شۆڕش داکۆکی دەکردە سەر بەرهەم هێنانی 20 و تەنانەت 30 هەزار مگاوات کارەبای ناڤۆکی.
سەرۆکی ڕێکخراوەی وزەی ئەتۆمی ڕاشیگەیاند: وڵات لە دۆخێکی ئابووری تایبەت دایە بەڵام سەرەڕای ئەوە هەندێ ڕێگاچارەش بۆ بەرهەم هێنانی 8 هەزار مگاوات کارەبای ناڤۆکی لە لایەن ڕێکخراوەی وزەی ئەتۆمییەوە هەیە و توانای ئەوەمان هەیە.
Your Comment