سەردەشت دەبێ ببێتە پێشەنگی بزووتنەوەی جیهانی چەکی بەکۆمەڵ

سکرێتری بنکەی مافی مرۆڤی ئێران و جێگری کاروباری نێونەتەوەیی دەزگای داد داکۆکی کرد: سەردەشت دەبێ ببێتە پێشەنگی بزووتنەوەی جیهانی چەک دانانی کوشتنی بە کۆمەڵ.

بە پێی هەواڵی مێهر، عەلی باقری کەنی وتی: سەردەشت دەبێ ببێتە پێشەنگی بزووتنەوەی جیهانی چەک دانانی کوشتنی بە کۆمەڵ و ئەمریکاش بە هۆی ئەوەی کە گەورەترین خاوەنی چەکی ئەتۆمی و کیمیاییە وەکوو تاوانبار دەبێ لە لایەن کۆمەڵگای جیهانییەوە لێپرسینەوەی لێ بکرێت.

ئەو درێژەی بە وتەکانی دا و وتی: دەزگای داد بە شێوەی جیدی بەدوای وەرگرتنی مافی کیمیاییەکانە و تا ئێستا زیاتر لە 200 کەس لە دادگا ئامادە بوون و حوکمی کۆتایی بۆ 70 کەسیان دەرچووە.

وتیشی: ئەو وڵاتانەی کە دوێنێ بە شەڕکەرە کیمیاییەکان گیانی خەڵکی ئێرانیان دەکردە ئامانج، ئەمڕۆ بە ئەوپەڕی بێ شەرمییەوە لە ڕیگای نەرم ئامێرە سیاسی و ئابورییەکانەوە مافی خەڵکی ئێران پێشێل دەکەن.

کەنی ڕایگەیاند: دەبێ بەو کەسانە کە ئەمڕۆ بڕوایان بە وڵاتە زۆرخوازەکان کردووە ڕابگەینم ئەمریکا و هاوپەیمانەکانی هەرگیز دەست لە جینایەت دژی خەڵکی ئیمە هەڵناگرن و هەر ئەو کەسانەی دوێنێ خەڵکی سەردەشتیان دەخنکاند، ئەمڕۆ وەکوو لایەنگرانی مافی مرۆڤ خۆیان بە جیهان دەناسێنن.

 

News Code 36293

نیشانەکان

بۆچوونی ئێوە

You are replying to: .
  • 3 + 7 =