پیاوێکی کوردستانی بووە قارەمانی تاڵاوی ئێران

"ناسێح حسێنی" لە چالاکانی ژینگەپاریزی کوردستان و ئەندامی ئەنجومەنی سەوزی چیای مەریوان وەکوو قارەمانی تاڵاوی ئێران هەڵبژێردرا.

بە پێی هەواڵی مێهر، ناسێح حسێنی چالاکی ژینگە پارێز و ئەندامی ئەنجومەنی سەوزی چیای مەریوان ساڵانی ڕابردوو لە بواری پاراستنی ژینگە بە تایبەت گۆلی زرێبار، فێرکاری کۆمەڵگا خۆجەییەکان و پەرەدان بە پەلەوەرەکان خزمەتی زۆری کردووە و لە بەشی هاوکاری خەڵکیدا بووە قارەمانی تاڵاوی ئێران.

بەرنامەی هەڵبژاردنی قارەمانی تاڵاوی ئێران بە مەبەستی ناساندن، کۆ کردنەوە و پۆلێن بەندی ئەزموونە سەرکەوتووەکان لە بواری پاراستنی ئێکۆسیستەمی تاڵاو و پەرە‌دان بە فەرهەنگی پاراستنی تاڵاو هەموو ساڵێک لە تاران و بە بەشداری بەرپرسانی ڕێکخراوەی پاراستنی ژینگەی وڵاتەوە بەڕێوە دەچێت.

ژینگەوانی مەریوانی وەکو ژینگەوانی سەرتر ناسێندرا

خەڵاتی قارەمانی تاڵاو لە سێ بەشی چالاکی لێکۆڵینەوەیی، چالاکی بەڕێوەبردن و بەشداری خەڵکیی پێشکەش کرا کە ئەمساڵ "کەماڵ تاب" ژینگەوانی تاڵاوی زرێبار وەکوو ژینگەوانی سەرتر ناسێندرا.

 

News Code 36090

نیشانەکان

بۆچوونی ئێوە

You are replying to: .
  • 4 + 11 =