بەم زووییە چاوەڕوانی ئۆپراسیۆنێکی گەورە لە عێراق بن

ڕێکخراوی ڕووبەڕووبوونەوەی تیرۆریزمی عێراق بە ئاماژە بە کوژرانی چەند سەرکردەی بەرچاوی داعش لە کەرکووک ڕایگەیاند: بەم زووانە چاوەڕوانی ئۆپراسیۆنێکی گەورەی دیکە بن.

بە ڕاپۆرتی ئاژانسی هەواڵی مێهر لە بەغدا یەوم، فەرماندەیی ئۆپراسیۆنی ئەنباری حەشدی شەعبی عێراق دوێنێ چوارشەممە لە پێکدادان لەگەڵ داعش لە ڕۆژاوای ئەو پارێزگایە هەواڵی دا.

قاسم موسلێح فەرماندەی ئۆپراسیۆنی ئەنباری حەشدی شەعبی لە بەیاننامەیەکدا ڕایگەیاند: پێکدادانەکان لە نێوان هێزەکانی حەشدی شەعبی و داعش لە ڕۆژاوای ئەنبار ڕووی دا.

ناوبراو زیادی کرد: ئەو پێکدادانە هێشتا درێژەی هەیە.

موسلێع جەختی کرد: لە ڕەوتی ئۆپراسیۆن دژی داعش لە ڕۆژاوای ئەنبار هەندێک ناوەندی داعشمان دەست کەوتووە.

لەلایەکی ترەوە ڕێکخراوی بەرەنگار بوونەوەی تیرۆریزمی عێراق بە دەرکردنی بەیاننامەیەک بە ئاماژە بە ئۆپراسیۆنی بەرەبەیانی ئەمڕۆ لە ناوچەی وادی شای لە باشووری پارێزگای کەرکووک دژی داعش و پێکدادانی ڕاستەوخۆ لەگەڵ تەکفیرییەکان لە ناو ناوەندەکانیان ڕایگەیاند: هەندێک داعشییەکان خۆیان تەقاندەوە و هەندێک تریشیان بە دەستی هێزەکانی ئێمە کوژران.

لە ڕەوتی ئەو ئۆپراسیۆنە چەند سەرکردەی گرینگی داعش لەوانە: بەرپرسی پزیشکی گشتی داعش لە عێراق، بەرپرسی هێزەکانی پووچەڵ کردنەوەی داعش لە عێراق، بەرپرسی پێوەندییەکان و سیستەمە ئەلکترۆنییەکانی داعش لە کەرکووک و چوار تیرۆریستی دیکە کوژران.

ئەو ڕێکخراوە لە درێژەدا ئاماژەی کردە سەر ئۆپراسیۆنەکان لە دژی داعش و ڕایگەیاند: بەم زووانە چاوەڕوانی ئۆپراسیۆنێکی گەورەی دیکە بن.

News Code 35774

نیشانەکان

بۆچوونی ئێوە

You are replying to: .
  • captcha