"لە خۆڵەمێشی خۆمان هەڵدەستینەوە" گێڕانەوەی ئازارەکانی کچانی شیناوایە

ئەسرین مەعرووفی؛ خوێندکاری زامداربووی قوتابخانەی شیناوێ پیرانشار، کتێبێکی بە ناوی "لە خۆڵەمێشی خۆمان هەڵدەستینەوە" نووسیوە کە گێڕانەوەی زام و ئازارەکانی کچانی ئەو قوتابخانەیە.

بە پێی هەواڵی مێهر، و بە گوێرەی وتەکانی نووسەری ئەم کتێبە کە خۆشی لە زامداربووانی ئاگرکەوتنەوەی قوتابخانەی شیناوایە، ئەم کتێبە گێڕانەوەی 8 ساڵ خەم و ئازارەکانی ئەو کچانەیە کە ساڵی 91 لەو ڕووداوەدا زامدار بوون.

ئەسرین مەعرووفی دەڵێت: لەو کتێبەدا گلەییم لە بەرپرسان و کار و شێوەی ڕووبەڕووبوونەوەی ئەوان لە گەڵ ئەو ڕووداوە نەکردووە و تەنیا باسی دۆخی خۆمان هەر لە سەرەتاوە تا ئێستا لە کتێبەدا دەبینرێت.

ئەو دەشڵێت: ئێمە هەرگیز بەدوای خراپ کەڵک وەرگرتن لە ڕووداوەکە نەبووین بەڵام بەداخەوە هەندێ جار وتەکانی ئێمە بەباشی بڵاو نابێتەوە و ئەم کارەش ئاکامی باشی بۆ ئێمە نییە.

کتێبی "لە خۆڵەمێشی خۆمان هەڵدەستینەوە" مۆڵەتی چاپی وەرگرتووە و لە 48 لاپەڕە و لە لایەن بڵاوکراوەی ڕونیکا لە تاران چاپ دەبێت و تا مانگی دهاتوو دێتە ناو بازاڕەوە.

News Code 35501

نیشانەکان

بۆچوونی ئێوە

You are replying to: .
  • 3 + 3 =