بە ڕاپۆرتی ئاژانسی هەواڵی مێهر، ڕەحمەت سادقی ڕایگەیاند: لە پلەبەندی جیهانی تایمز ٢٠٢١، زانیاری زیاتر لە دوو هەزار زانکۆ لە سەرتاسەری جیهان لێک دراوەتەوە کە تەنیا هەزار و ٥٢٧ زانکۆ مەرجی پێویستیان بۆ بەشداری لە ئەو سیستەمە هەبووە.
ناوبراو زیادی کرد: بە گوێرەی ئەنجامی بڵاو بوو زانکۆکانی ئاکسفۆرد، ستێنفۆرد و هاروارد بە ڕیزەوە لە پلەکانی یەکەم تا سێهەمی جیهان جێیان گرت و لەم نێوانەدا زانکۆی کوردستان کە ساڵی ڕابنردوو توانیویە بێتە ناو ئەو ڕکابەرییەوە، پلەی ٦٠١ تا ٨٠٠ ی زانکۆ بەناوبانگەکانی جیهان بە خۆ تەرخام بکات.
سەرۆکی زانکۆی کوردستان درێژەی دا: هەروەها لە نێو ٤٧ زانکۆی ئێران کە مەرجی پێویستیان بۆ بەشداری لە ئەو ڕکابەرییە هەبوو، زانکۆی کوردستان توانی لە نێو زانکۆکانی ئێراندا پلەی ١١ دەست بخات.
سادقی وتیشی: ئەو پلەبەندییە بە پێی پێنج پێوەری پەروەردە لە ئاستی سەدا ٣٠، لێکۆڵینەوە سەدا ٣٠، بەڵگەهێنانەوە سەدا ٣٠، داهاتی پیشەیی ٢.٥ و ئاستی نێودەوڵەتی ٧.٥ لەسەد لە ١٣ پێوەری ساڵانە لەلایەن ماڵپەڕی زانستی تایمزەوە بڵاو دەبێتەوە.
Your Comment