هەرێمی کوردستان چ داخوازییەکی لە دەوڵەتی عێراق بووە

ئەمڕۆ وەزیری دەرەوەی فەڕەنسا بەناوی ئیمانوێل ماکڕۆن سەرۆکی فرەنساوە، مەسرور بارزانی، سەرۆکی حکومەتی هەرێمی کوردستانی بانگهێشتی فەرەنسا کرد.

بە پێی ڕاپۆرتی ئاژانسی هەواڵی مێهر،  ئەمڕۆ هەینی  مەسروور بارزانی سەرۆکی حکوومەتی هەرێمی کوردستان بە ئامادەبونی قوباد تاڵەبانی جێگری سەرۆکی حکوومەتی هەرێم پێشوازی لە ژان ئیڤ لۆدریان وەزیری دەرەوەی فەڕەنسا کرد و تیایدا بارودۆخی عێراق و ناوچەکە و پەرەپێدانی پەیوەندییە مێژوییەکانی نێوان هەرێمی کوردستان و فەرەنسا تاوتوێکران.

 وەزیری دەرەوەی فەرەنسا ڕایگەیاند: فەرەنسا ئامادەیە بۆ یارمەتیدانی حکومەتی هەرێمی کوردستان، لەمڕوەوە پسپۆڕانی فەرەنسی ئامادەن بۆ هاوکاریکردنی حکومەتی هەرێم لە بواری کشتوکاڵی و تێپەڕاندنی قەیرانی ئابوری.

وەزیری دەرەوەی فەڕەنسا هەروەها بە ناوی سەرۆکی فەرەنسا ئیمانوێل ماکڕۆن، بانگهێشتی سەرۆکی حکومەتی هەرێمی کرد بۆ سەردانی فەرەنسا لە دەرفەتێکی گونجاودا .

سەرۆکی حکومەتی هەرێمی کوردستان ئاماژەی بەوەدا کە کۆمەڵگەی نێودەوڵەتی و بەتایبەتی فەرەنسا دەتوانێ رۆڵی ئەرێنی خۆی لە یەکنزیکردنەوەی حکومەتی هەرێم و حکومەتی فیدراڵی بگێڕێت بۆ چارەسەرکردنی کێشەکان لە سەر بنەمای دەستور.

وتیشی: ئێمە داوای هیچ شتێکمان نەکردووە پێچەوانەی دەستوری عێراق بێت و هەر شتێکیش ڕەتدەکەینەوە کە کەمتر بێت لە مافە دەستورییەکانمان.

News Code 33303

نیشانەکان

بۆچوونی ئێوە

You are replying to: .
  • 1 + 7 =